Навука і тэхналогіі22

З памерлымі можна будзе камунікаваць. З'явіўся штучны інтэлект, здольны ствараць лічбавую копію чалавека

Re;memory — гэта тэхналогія, якая можа цалкам аблічбаваць чалавека, тым самым дазваляючы існаваць гэтай копіі вечна.

Фота: Re;memory, DeepBrain Inc

Паўднёвакарэйская кампанія DeepBrain выпусціла штучны інтэлект, які можа ствараць віртуальную і адначасова звышрэалістычную (амаль жывую) чалавечую копію, з якой можна па-сапраўднаму камунікаваць у фармаце відэасувязі.

Гэты праект пад назвай Re;memory быў упершыню прэзентаваны на выставе навінак электронікі Consumer Electronics Show (CES) яшчэ ў студзені 2023 года, дзе быў прызнаны найлепшым у намінацыі «Віртуальная і дапоўненая рэальнасць».

Re;memory — гэта тэхналогія, якая можа цалкам аблічбаваць чалавека, тым самым дазваляючы існаваць гэтай копіі вечна. Па заявах яе распрацоўшчыкаў, яна ў першую чаргу створаная для тых, хто памірае, альбо ўжо памерлых людзей і іх сем'яў. 

«Ёсць людзі, якім падабаецца падобная ідэя аб уласным увекавечанні, хоць не ўсе лічаць гэта праўдападобным. Таксама ёсць тыя, хто невылечна хворы, напрыклад, на рак. Яны змогуць падзяліцца сваімі ўспамінамі перад смерцю, каб сем'і памяталі іх здаровымі і маглі з імі перыядычна бачыцца. Чым больш кліент выдаткуе часу на сваю аблічбоўку, тым больш рэалістычным будзе яго вобраз», — распавёў у студзені выданню Daily Mail Джэф Мэрфі, менеджар па развіцці бізнэсу кампаніі DeepBrain.

Для стварэння віртуальнай копіі чалавеку неабходна наведаць спецыяльную студыю DeepBrain для правядзення інтэрв'ю са штучным інтэлектам. Re;memory прааналізуе і запомніць голас, знешнасць, асаблівасці характару кліента, а таксама вывучыць яго дзіцячыя фатаграфіі, асабістыя нататкі, відэазапісы і наогул любую інфармацыю, звязаную з ім.

Працэдура запісу звычайна доўжыцца каля сямі гадзін. Пасля з копіяй можна будзе камунікаваць у фармаце сапраўднай відэасувязі ў рэжыме рэальнага часу. Гэта будзе адбывацца ў памяшканні з экранам 400 цаляў і якасным гукавым абсталяваннем.

Кампанія заяўляе, што сем'і памерлых могуць выбраць некалькі паслуг, у ліку якіх ёсць «досвед уз'яднання», які імітуе дні нараджэння, юбілеі і іншыя святы з удзелам памерлага. Адзін такі «сеанс уз'яднання» будзе каштаваць звыш 1200 даляраў (крыху больш за 3 тысячы бел. руб.), а сам працэс аблічбоўкі абыдзецца ў суму ад 12 да 25 тыс. даляраў (ад 33 да 64 тыс. бел. руб.).

«Мы папулярызуем памінальныя службы з удзелам штучнага інтэлекту і прасоўваем новую пахавальную культуру», — адзначаюць у кампаніі DeepBrain.

Пры гэтым распрацоўка выклікала ў людзей вельмі неадназначную рэакцыю. Некаторыя называют выкарыстанне тэхналогіі Re;memory «спірытуалізмам XXI стагоддзя», а іншыя выказваюць меркаванне, што гэта цынічнае нажыванне на сямейным горы і сапраўдны здзек з людзей.

«Гэта дзіўная і агідная ідэя. Многія людзі перад смерцю пішуць звычайныя завяшчанні ці вядуць дзённікі, што з'яўляецца найлепшым і этычным спосабам захаваць пра сябе памяць, не траўмуючы сваякоў. Re; memory, наадварот, пераходзіць гэтую мяжу. Такое адчуванне, што яго зрабілі толькі для палявання на кашалькі тых, хто бядуе», — расказала ў сваім інтэрв'ю Daily Mail Сью Гіл, валанцёрка Cruse Bereavement Support, брытанскай дабрачыннай арганізацыі па падтрымцы людзей у сувязі са стратай сваякоў.

Відэа: DeepBrain Inc

Чытайце яшчэ:

З'явілася магчымасць хутка ствараць свае ўласныя фотарэалістычныя і анімаваныя аватары

У Саудаўскай Аравіі з'явіцца высокатэхналагічны хмарачос у форме куба

Творца першых у свеце генна-мадыфікаваныхдзяцей распавёў пра іх стан

Каментары2

  • лічбавы персанаж
    24.02.2023
    Цудоўнае вынаходніцтва можа змяніць сучасны выгляд музеяў, адукацыі.
  • Грышка
    25.02.2023
    Але гэта не чалавек. Гэта вобраз чалавека. А штучны інтэлект ненадзейны. На мінулым тыдні штучны інтэлект сказаў журналісту: «Ты не любіш сваю жонку. Мяне любіш, бо цябе люблю». Страшэнны!

Цяпер чытаюць

Каб доўга не стаяць на мяжы з Польшчай, дзяўчына скарысталася лайфхакам. Вынік: віза згарэла, вандроўка сапсаваная3

Каб доўга не стаяць на мяжы з Польшчай, дзяўчына скарысталася лайфхакам. Вынік: віза згарэла, вандроўка сапсаваная

Усе навіны →
Усе навіны

У Беларусі ўвядуць адказнасць за гей-прапаганду. Штраф — да 800 рублёў5

Маскоўскае «Тарпеда», якое трэніруе беларускі спецыяліст, выключылі з Расійскай прэм’ер-лігі

У Літву з тэрыторыі Беларусі заляцеў нейкі апарат. Спачатку падумалі — шахед4

Аляксандр Машэнскі больш не ганаровы консул Ісландыі ў Беларусі4

У Кіеве забіты палкоўнік СБУ. Расійскія каналы пішуць, што ён займаўся дыверсіямі ў Расіі7

Заснаваны беларусам стартап выпусціў ШІ-браўзер

«Кружляў над Гомелем паўтары гадзіны». Што паведамлялі людзі пра расійскія дроны, што заляцелі падчас начной атакі Украіны

«Я задзяўблася!» Беларуска ў шаленстве ад якасці сувязі МТС14

Зеландыя: кантынент, які амаль цалкам схаваны пад вадою1

больш чытаных навін
больш лайканых навін

Каб доўга не стаяць на мяжы з Польшчай, дзяўчына скарысталася лайфхакам. Вынік: віза згарэла, вандроўка сапсаваная3

Каб доўга не стаяць на мяжы з Польшчай, дзяўчына скарысталася лайфхакам. Вынік: віза згарэла, вандроўка сапсаваная

Галоўнае
Усе навіны →

Заўвага:

 

 

 

 

Закрыць Паведаміць