Мінадукацыі: Адтэрміноўкі ад арміі для студэнтаў, якія вучацца за мяжой, застануцца толькі ў асобных выпадках
Парламент разглядае папраўкі ў закон, якія тычацца адтэрміноўкі ад прызыву на вайсковую службу. Калі змены будуць прынятыя, адтэрміноўку ад службы для студэнтаў, якія навучаюцца за мяжой, адменяць. Але не для ўсіх.
Тым, хто цяпер вучыцца за мяжой, дазволяць скончыць універсітэт, піша БелТА.
«Для тых, хто працягвае вучыцца [за мяжой], гэтыя адтэрміноўкі застануцца», — цытуюць першага намесніка міністра адукацыі Аляксандра Бахановіча.
«У нашых суседзяў, калі іх студэнты едуць вучыцца за мяжу, таксама няма адтэрміновак, — адзначыў Бахановіч. — Мы прыводзім заканадаўства ў адпаведнасць з тым, што ёсць у нашых суседзяў. У нас павінны быць роўныя правы і магчымасці».
Разам з тым у заканадаўстве застанецца норма аб адтэрміноўках для беларускіх абітурыентаў, якіх па замове органа дзяржкіравання або прадпрыемства накіроўваюць на вучобу за мяжу па тых спецыяльнасцях, па якіх у краіне не вядзецца падрыхтоўка, але маецца вострая патрэба ў іх.
-
У Варшаве змяніўся адрас, дзе можна падаць заяву на міжнародную абарону
-
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша
-
«Нашых дзяцей з дзяцінства прывучалі да трансгендарных лялек». Шпілеўская знайшла карысць ад заходніх санкцый
Каментары