Пры гэтым рана рабіць ацэнкі адносна намераў Украіны аб поўным сыходзе з горада, піша амерыканскі Інстытут вывучэння вайны.
Аналітыкі інстытута лічаць, што ўкраінскія сілы, магчыма, адыходзяць са сваіх пазіцый на ўсходнім беразе ракі Бахмутка, улічваючы нядаўнія геалакацыйныя кадры разбурэння чыгуначнага моста праз раку на паўночным усходзе Бахмута.
У ISW адзначылі, што відэазапісы паказалі, што сілы ПВК «Вагнер» працягвалі прасоўвацца ў паўночна-ўсходняй частцы Бахмута і 5 сакавіка рушылі наперад у раёне чыгуначнай станцыі Ступкі.
«Украінскі вайсковец паведаміў, што па стане на 4 сакавіка расійскія войскі яшчэ не перасеклі раку Бахмутку ў цэнтральнай частцы Бахмута, а расійскія блогеры сцвярджалі, што «Вагнер» адціснуў украінскія пазіцыі да цэнтральнай часткі Бахмута. Пакуль незразумела, ці плануюць украінскія войскі ўтрымліваць пазіцыі на заходнім беразе ракі Бахмутка», — гаворыцца ў справаздачы інстытута.
ISW перакананы, што ўкраінская абарона Бахмута застаецца стратэгічна абгрунтаванай, бо яна «працягвае паглынаць расійскую жывую сілу і тэхніку, тады як украінскія войскі не нясуць празмерных страт».
Гарадскія баі ў Бахмуце, па меркаванні аналітыкаў, могуць яшчэ больш знясіліць і без таго знясіленыя расійскія змешаныя сілы, як гэта адбылося пасля адыходу ўкраінскіх войскаў з лініі Севераданецк-Лісічанск, што фактычна паклала канец расійскім наступальным аперацыям у Луганскай і Данецкай абласцях летам 2022 года».
Каментары