Ці можна прыйсці на працу крыху пазней, калі затрымліваешся па вечарах
Дэпартамент дзяржаўнай інспекцыі працы Міністэрства працы і сацыяльнай абароны растлумачыў, ці можа работнік спазняцца на працу, калі сыходзіць з яе пазней, распавялі ў Мyfin.by.
Калі працоўны дзень пачынаецца з 8:00, а работнік прыходзіць у 7:40, то ніякай перапрацоўкі ў яго няма. А вось спазненні ўлічваюцца, тлумачаць спецыялісты. Да таго ж, «больш ранні прыход на працу не дае работніку права сысці раней».
«Сыход з працы раней устаноўленага часу яе заканчэння — парушэнне працоўнай дысцыпліны (дысцыплінарная правіна)», — паведамілі ў Дэпартаменце. Наймальнік не абавязаны аплачваць працу за межамі працоўнага часу работніка, калі яна праведзеная па ініцыятыве работніка без ведама наймальніка. Больш за тое, калі з улікам устаноўленага рэжыму працы супрацоўнік фактычна адпрацуе меншую колькасць часу, наймальнік мае права не аплачваць неадпрацаваны час.
«Нельга спазняцца на працу, нават калі потым вы сыходзіце пазней», — рэзюмавалі ў ведамстве.
«Засяроджуся на працы з ЗША». Ціханоўскі расказаў пра свае палітычныя планы на 2026 год32
Каментары