У сераду каля 18:00 на чыгуначным пераездзе ў раёне чыгуначнай станцыі Дамачава Брэсцкага раёна пасажырскі цягнік Брэст — Уладава сутыкнуўся з трактарам «Беларус» з навясным абсталяваннем, паведамляе мясцовае УУС.
Кіраваў трактарам жыхар Брэсцкага раёна 1960 года нараджэння. Паводле папярэдняй інфармацыі, ён праехаў на чырвоны сігнал святлафора.
У выніку сутыкнення трактар перакуліўся, але абышлося без чалавечых ахвяр. Пашкоджана чатыры шпалы.
Чыгуначны рух ужо адноўлены, праводзіцца праверка.
Каментары