У Беларусі хлеб даражэйшы, чым ва Украіне, дзе ідзе вайна. Колькі каштуе хлеб у розных краінах
Спецыялісты аналітычнага сэрвісу Numbeo абнавілі рэйтынг краін па цане хлеба. Даныя сэрвісу рэгіструюць цану бохана свежага белага хлеба вагой 500 г.
Па стане на 24 сакавіка 2023 года самая нізкая цана ў свеце на белы хлеб была ў Тунісе ($0,14), Алжыры ($0,16) і Казахстане ($0,36).
У Беларусі ($0,65) хлеб даражэйшы, чым ва Украіне ($0,58) і Расіі ($0,60).
У іншых нашых суседзяў цэны большыя: Польшча — $0,98, Эстонія — $1,16, Латвія — $1,23, Літва — $1,43.
Самыя высокія цэны на белы хлеб адзначаны ў Даніі ($2,87), Нарвегіі ($2,88), Ісландыі ($3,15), ЗША ($3,27) і Швейцарыі ($3,28).
Каментары