Аўто44

З'явілася магчымасць праверыць аўтамабіль на наяўнасць ДТЗ на тэрыторыі Беларусі. Даведаліся, як гэта працуе

З 1 красавіка з'явілася магчымасць праверыць, ці былі страхавыя выплаты па аўтамабілі. Што паказвае сэрвіс?

Аўтамабільны партал av.by у сваім сэрвісе па праверцы гісторыі аўто па VIN-нумары дадаў магчымасць атрымаць інфармацыю аб ДТЗ на тэрыторыі Беларусі. Каб гэта зрабіць, дастаткова ведаць VIN-нумар аўтамабіля. Справаздача платная — каштуе каля 11 рублёў. Замовіць яе можна па спасылцы

Заўважна, што інфармацыя пра наяўнасць страхавых выплат у Беларусі атрымліваецца з дапамогай расійскага сэрвісу «Автотека».

Пра расійскі след у справаздчы кажа і той факт, што валюта разліку пазначаная як RUR. 

Фота: скрыншот з сайта av.by

Прадаўцы справаздач таксама звяртаюць увагу на тое, што калі ДТЗ адбылося да 1 ліпеня 2016 года, то сумы будуць пазначаныя ў недэнамінаваных рублях.

Таксама важна адзначыць, што адсутнасць аўтамабіля ў базе не гарантуе таго, што ён не ўдзельнічаў у ДТЗ на тэрыторыі Беларусі. База адлюстроўвае не сам факт наяўнасці ДТЗ, а факт разліку кошту рамонтных работ. То-бок гаворка ідзе толькі пра тыя выпадкі, калі чалавек атрымліваў кампенсацыю ад страхавой кампаніі. 

Таксама ўзнікаюць пытанні да напаўнення базы. Напрыклад, правераны намі аўтамабіль апроч гэтага ДТЗ яшчэ двойчы атрымліваў выплаты ад страхавой. Абодва здарэнні былі дробнымі і афармленне адбывалася праз еўрапратакол без удзелу ДАІ. Інфармацыя пра выплаты па гэтых двух выпадках у справаздачы не адлюстроўваецца.

Дзеля справядлівасці адзначым, што платныя еўрапейскія сэрвісы таксама не гарантуюць на 100% таго, што ў справаздачы будзе мецца абсалютна ўся інфармацыя пра аўто.

Тым не менш, з'яўленне такой магчымасці можна назваць чарговым крокам да цывілізаванасці беларускага аўтамабільнага рынку. 

Нагадаем, што паспрабаваць праверыць прабег аўтамабіля, які ўжо не першы год ездзіць па Беларусі, можна з дапамогай Адзінага партала электронных паслуг па гэтай спасылцы. Справаздача таксама платная.

Як праверыць па VIN-нумары аўтамабіль, прывезены з іншых краін Еўропы і ЗША можна прачытаць тут.

Чытайце таксама: 

Пасля перасячэння беларускай мяжы машыны з Еўропы «губляюць» дзясяткі тысяч кіламетраў. Як прадаўцы падманваюць з прабегам аўто

«Дастэры» за 30 000 даляраў, «Весты» за 16 500. Якія новыя аўто прапануюць дылеры

Каментары4

  • Пассат
    03.04.2023
    нацыяналістка і ганаруся гэтым, мне вот еще что интересно, ведь теперь в рф будут уходить и персональные данные беларуских автовладельцев. А зная как в рф все продается (там сливаются и продаются даже ведомственные базы), все эти данные в итоге уйдут на черный рынок.
  • Максим Дизайнер
    03.04.2023
    нацыяналістка і ганаруся гэтым

    На телегу. обратно. пересесть. хочешь, как у детстве на малой родине?
  • Ноўнэйм
    04.04.2023
    Максим Дизайнер, на тваёй вялікай радзіме з цялег і не злазілі
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Ціханоўскі — беларусам: «Калі вы чакалі знак, то вось ён». Прайшла прэс-канферэнцыя з вызваленымі палітвязнямі

Усе навіны →
Усе навіны

Выкладчыца Наталля Дуліна: Я катэгарычна адмовілася пісаць прашэнне аб памілаванні. І я б была рада, калі б вывезлі кагосьці іншага18

«На галовах — мяшкі». Экс-палітвязень Карней, якога вызвалілі разам з Ціханоўскім, распавёў, як гэта было6

Сярод вызваленых у Беларусі — трое польскіх грамадзян2

Юлія Навальная павіншавала Ціханоўскую з вызваленнем мужа16

Бізнэсмен, беларуска са Швецыі, хлопец, асуджаны за чат на пяцярых. Каго яшчэ вызвалілі і вывезлі ў Вільню разам з Сяргеем Ціханоўскім12

Вызвалены грамадзянін Эстоніі Алан Роя2

«Сяргей Ціханоўскі ў вельмі бадзёрым стане, той Сяргей Ціханоўскі, якога мы ведаем»4

Ціханоўская пра вызваленне мужа: Здарылася тое, пра што наша сям'я марыла гэтыя 5 гадоў17

На волі экс-дацэнтка МДЛУ Наталля Дуліна — найлепшая італьяністка краіны4

больш чытаных навін
больш лайканых навін

Ціханоўскі — беларусам: «Калі вы чакалі знак, то вось ён». Прайшла прэс-канферэнцыя з вызваленымі палітвязнямі50

Ціханоўскі — беларусам: «Калі вы чакалі знак, то вось ён». Прайшла прэс-канферэнцыя з вызваленымі палітвязнямі

Галоўнае
Усе навіны →

Заўвага:

 

 

 

 

Закрыць Паведаміць