Вайна2020

«Байпол» раскрыў дэталі пра камандуючага вайсковай авіяцыяй і назваў, хто вядзе тэлеграм-каналы вайсковых баз

У расследаванні «Байпола» сцвярджаецца, што цяперашні камандуючы вайсковай авіяцыяй Беларусі атрымаў беларускае грамадзянства па паскоранай працэдуры. 

Андрэй Лук'яновіч. Фота: vsr.mil.by

Андрэй Лук’яновіч 9 гадоў камандаваў 50-й змешанай авіябазай, якая дыслакуецца ў Мачулішчах, дзе быў сёлета атакаваны і пашкоджаны расійскі вайсковы самалёт. За два месяцы да нападу Расіі на Украіну Лук’яновіча пазбавілі пасады. Але 13 снежня 2022 года Лукашэнка яго прызначыў камандуючым войскамі супрацьпаветранай абароны і Вайскова-паветранымі сіламі краіны.

Паводле «Байпола», Лук’яновіч атрымаў беларускае грамадзянства па паскоранай працэдуры ў красавіку 2000 года. Тады вайскоўцу было 30 гадоў.

Аб'яднанне былых сілавікоў сцвярджае, што афіцыйныя даныя аб нараджэнні Лук’яновіча ў Смаргоні непраўдзівыя. У сваім роліку яны прадэманстравалі дакумент з КДБ, у якім пазначана, што ён нарадзіўся 29 верасня 1970 года ў Казахстане.

Да атрымання беларускага грамадзянства Лук’яновіч шэсць гадоў служыў у расійскім войску. У Расіі скончыў Балашоўскае вышэйшае вайсковае авіяцыйнае вучылішча.

Старэйшы яго сын Яўген выехаў на пастаяннае месца жыхарства ў Расію. Там скончыў інстытут грамадзянскай авіяцыі ва Ульянаўску, а цяпер працуе другім пілотам на самалёце расійскай авіяцыі Boeing 747. Дачка ж Лук’яновіча Анастасія вучыцца ў Германіі.

Цяпер базай у Мачулішчах камандуе Уладзімір Скоркін.

Яго намеснік па ідэалогіі Андрэй Пучко курыруе тэлеграм-канал базы, дзе рэгулярна з'яўляюцца расійскія прапагандысцкія матэрыялы пра вайну ва Украіне. Пучко лічыць Кастуся Каліноўскага шавіністам, а паўстанне пад яго кіраўніцтвам — мяцяжом супраць Расійскай Імперыі і праваслаўя.

Рэсурсы 61-й знішчальнай авіябазы, якая дыслакуецца пад Баранавічамі, былі задзейнічаныя ў падтрымцы поўнамаштабнай агрэсіі Расіі супраць Украіны. У першыя месяцы вайны з аэрадрома гэтай базы выляталі расійскія самалёты бамбіць суседнюю краіну.

Незадоўга да пачатку вайны камандзір авіябазы палкоўнік Юрый Пыжык на аэрадроме сустракаў з хлебам і соллю расійсіх лётчыкаў.

Юрый Пыжык. Фота: 100fm.by

Месца Пыжыка ў маі 2022 года заняў палкоўнік Леанід Давідовіч. Паводле «Байпола», ён вучыўся ў 2005—2007 гадах у расійскай Вайскова-паветраннай акадэміі імя Гагарына, а ў 2016—2018 гадах удасканальваў веды ў Вайсковай акадэміі Генеральнага штаба Расіі.

Леанід Давідовіч. Фота: nashkraj.by

Нампаліт 61-ай авіяцыйнай базы падпалкоўнік Міхаіл Скачко, паводле «Байпола», курыруе тэлеграм-канал вайсковай часці, у якім пастаянна размяшчаюцца зняважлівыя матэрыялы пра Украіну і яе Узброеныя сілы. Публікацыі суправаджаюцца сімволікай расійскай агрэсіі.

Скачко, сцвярджае «Байпол», у тэлеграм-канале «рэкламуе прыватную вайсковую кампанію «Вагнер».

«Байпол» лічыць, што дзеянні фігурантаў іх расследавання падпадаюць пад крымінальную адказнасць за прапаганду вайны, а таксама распальванне расавай, нацыянальнай, рэлігійнай або сацыяльнай варожасці ці варажнечы.

«Байпол» — аб’яднанне былых сілавікоў Беларусі, якія выступаюць супраць палітыкі Лукашэнкі, за правядзенне новых прэзідэнцкіх і парламенцкіх выбараў на аснове дэмакратычных прынцыпаў.

«Наша Нiва» — бастыён беларушчыны

ПАДТРЫМАЦЬ

Глядзіце таксама: 

У Мінабароны распавялі, колькі ўкраінскіх вайскоўцаў знаходзіцца каля граніц з Беларуссю

«Масавыя чысткі рыхтаваліся загадзя, да самалёта. Але беларускія спецслужбы не Секурытатэ». Калі скончыцца гэта хваля рэпрэсій?

Прапагандысты паказалі «жывы і здаровы» расійскі самалёт А-50. Але ёсць важныя нюансы

Каментары20

  • даведка
    09.04.2023
    То ли список потенциальных предателей, то ли вероятных военных пенсионеров с высокой российской пенсией. 
  • &
    09.04.2023
    Чего у них у всех шапки такие смешные?? Это как-то с комплексами связано??
  • ?
    09.04.2023
    Это конечно настолько важная информация, что для ее публикации целый Байпол отвлекся от круглосуточной разработки плана победы над супостатом. Ау, есть у кого примеры из истории, когда революционеры сносили режим, подменяя революционную деятельность публикацией видосиков? Или может стоит начать называть вещи своими именами, что-нибудь вроде "коллектив блогеров Байпол"?
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

«Я толькі аднаго хачу: каб вы паверылі мне зноў». Як прайшла першая акцыя Ціханоўскага ў Варшаве пасля вызвалення

«Я толькі аднаго хачу: каб вы паверылі мне зноў». Як прайшла першая акцыя Ціханоўскага ў Варшаве пасля вызвалення

Усе навіны →
Усе навіны

Еўропа змагла захаваць адзінства з Трампам на выпадак нападу Расіі11

Беларусбанк абмяжоўвае зняцце наяўных з картак3

У Арменіі арыштавалі архіепіскапа і яшчэ 16 змоўнікаў1

4, 14 ці 114? У Кобрыне не могуць разабрацца з нумарам дома на фасадзе6

Кацярына Ціханава — не проста дачка Пуціна. Яе лічаць магчымай пераемніцай11

«Нервовае, трывожнае, непалітычнае. Галоўны герой — член Савета Рэспублікі». Вольга Лойка прапануе «Беларусьфільму» ідэю кіно3

У Маскве мужчыны масава спрабуюць знаёміцца, мацаючы дзяўчат за ягадзіцы. Так загадаў рабіць сэкс-коўч з Беларусі24

З 1 верасня беларусам, што едуць у Латвію, трэба будзе зарэгістравацца на спецыяльным партале і запоўніць анкету9

Спецслужбы пад выглядам «друку сімволікі і сцягоў» спрабуюць падбіць беларусаў замежжа перадаць свае асабістыя звесткі2

больш чытаных навін
больш лайканых навін

«Я толькі аднаго хачу: каб вы паверылі мне зноў». Як прайшла першая акцыя Ціханоўскага ў Варшаве пасля вызвалення

«Я толькі аднаго хачу: каб вы паверылі мне зноў». Як прайшла першая акцыя Ціханоўскага ў Варшаве пасля вызвалення

Галоўнае
Усе навіны →

Заўвага:

 

 

 

 

Закрыць Паведаміць