У Дзяржаўным камітэце судэкспертыз паведамілі, што ў Магілёве пачасціліся выпадкі атручвання сушанымі мухаморамі, якія гараджане ўжываюць у ежу ў якасці харчовых дадаткаў.
У сакавіку ў Магілёўскую гарадскую бальніцу з прыкметамі наркатычнага атручэння паступіў 31-гадовы мужчына. Магілёвец на вуліцы паводзіў сябе неадэкватна, праз што мінакі выклікалі хуткую дапамогу і міліцыю. Мужчына трапіў у бальніцу з дыягназам «вострае атручэнне неўстаноўленым рэчывам».
Міліцыя ў той жа дзень правяла ператрус на ягонай кватэры, дзе знайшла і канфіскавала два шкляныя слоікі са здробненым рэчывам расліннага паходжання.
Рэчыва адправілі на экспертызу і вызначылі, што насуперак чаканням гэтыя 200 грамаў светла-карычневага і аранжавага колеру расліннага паходжання не маюць у сваім складзе ніякіх моцнадзейных рэчываў, якія падлягаюць у Беларусі кантролю.
Пасля магілёвец прызнаўся, што ўжо не першы раз ён еў дома сушаныя мухаморы, якія купіў як харчовую дабаўку на сайце ў інтэрнэце.
«У той дзень мужчына з'еў некалькі лыжак, затым пайшоў у краму і неўзабаве адчуў, што губляе сувязь з рэальнасцю, стаў паводзіць сябе неадэкватна», — расказалі ў магілёўскім аддзеле ДКСЭ.
У ведамстве нагадалі аб недапушчальнасці ўжывання мухамораў у ежу. У атрутных грыбах і чырвоным мухаморы, у прыватнасці, утрымліваюцца рэчывы, якія ўплываюць на псіхіку, — мусцымол і ібатэнавая кіслата. Іх ужыванне вядзе да парушэння працы, гібелі клетак галаўнога мозга і можа выклікаць смяротны зыход.
Цяпер чытаюць
175 тысяч беларусаў эмігравалі ці выехалі на працу ў ЕС у 2024-м. Найбольш у Польшчу, а Германію здагнала Іспанія3
175 тысяч беларусаў эмігравалі ці выехалі на працу ў ЕС у 2024-м. Найбольш у Польшчу, а Германію здагнала Іспанія
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове11
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове1
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Каментары
этава (как его?)у̷с̷а̷т̷а̷в̷а̷
муха(кыш-кыш)морава