Магчыма, стала вядома, пад якой назвай будуць працаваць пераемнікі «Макдональдса» ў Беларусі
Рэстараны былой сеткі «Макдональдс» у Беларусі могуць запрацаваць пад шыльдай МАК.by. Заяўку на рэгістрацыю такога таварнага знака ў пачатку красавіка падала сетка «КСБ Віктары Рэстараны», заўважыў reform.by.
Заяўка размешчана ў базе даных Нацыянальнага цэнтра інтэлектуальнай уласнасці.
Усяго пададзена тры заяўкі ў двух колерах, а таксама заяўка на сам таварны знак MAK.by. Адна з іх паўтарае колеры надпісаў «Мы адкрытыя», пад якім перазапусцілі сетку пасля сыходу амерыканскай франшызы.
На нарадзе 12 снежня Лукашэнка заявіў, што «Макдональдс» цяпер «наша прадпрыемства».
У лютым рэстараны сталі працаваць пад назвай «Мы адкрытыя».
Падчас паслання да народа Лукашэнка наракаў, што яму даводзіцца шмат што рабіць самому: «умешвацца і вучыць то таго, то гэтага, то «Макдональдс» нейкі перарабляць у «Макбай».
Каментары