Расійскі консул у Беларусі ў панядзелак наведаў расіянку Сафію Сапегу, асуджаную да шасці гадоў калоніі, і атрымаў ад яе згоду на экстрадыцыю.
Наступным этапам экстрадыцыі і яе тэхнічнымі дэталямі займаюцца расійскія і беларускія праваахоўныя органы.
У пачатку красавіка адвакат Сапегі Антон Гашынскі расказваў, што ў Беларусі запушчана працэдура экстрадыцыі. Тэлеграм-канал Baza паведамляў, што бацькі Сапегі падалі хадайніцтва ў Мінюст аб пераводзе дачкі ў расійскую калонію. Паводле звестак Baza, беларускі бок даў сваю згоду на перавод, і зараз сям'я Сапегі чакае суда, які вызначыць тэрмін пакарання ў Расіі.
У чэрвені 2022 года Сафія Сапега, абвінавачаная ў распальванні варожасці і незаконным зборы звестак аб прыватным жыцці, прасіла аб памілаванні, аднак суд у Беларусі ёй адмовіў.
Сапегу затрымалі ў маі 2021 года разам з Раманам Пратасевічам пасля вымушанай пасадкі ў Мінску самалёта Ryanair, якім яны ляцелі з Афін у Вільню. У маі 2022 года Сапегу асудзілі да шасці гадоў калоніі.
-
Антаніна Канавалава расказала, як яе прымушалі падпісаць прашэнне пра памілаванне
-
«Я першамайскае быдла і ліміта, базару нуль. Але блізкі да цэнтра прыняцця рашэнняў». Што Тур піша пад псеўданімам у «экстрэмісцкім» чаце
-
«Хапай яе за азадак, зацягні ў туалет». У Варшаве заявілі ў пракуратуру на пікап-трэнера з Беларусі Алекса Леслі
«Я першамайскае быдла і ліміта, базару нуль. Але блізкі да цэнтра прыняцця рашэнняў». Што Тур піша пад псеўданімам у «экстрэмісцкім» чаце19
Каментары