На вучэнні тэрытарыяльнай абароны ў Навагрудскім раёне паклікалі старшыняў райвыканкамаў
У Навагрудскім раёне сёння прайшлі паказныя заняткі з удзелам старшыняў раённых выканаўчых камітэтаў Гродзенскай вобласці ў рамках камандна-штабнога вучэння сіл тэрытарыяльнай абароны, паведамляе Мінабароны.
Старшыня Гродзенскага аблвыканкама Уладзімір Каранік на вучэннях. Фота: агенцтва «Ваяр»
На адным з навучальных месцаў ваеннаабавязаныя, прызваныя з запасу, сумесна з супрацоўнікамі Міністэрства ўнутраных спраў прадэманстравалі парадак работы кантрольна-прапускнога пункта ў перыяд нарастання ваеннай пагрозы і ў ваенны час.
Таксама нарадам па КПП быў адбіты напад дыверсійна-разведвальнай групы ўмоўнага праціўніка.
Каментары