З салігорскага «Шахцёра» могуць зняць як мінімум 15 балаў і выключыць з вышэйшай лігі
Пасяджэнне кантрольна-дысцыплінарнай камісіі па гэтым пытанні адбудзецца не раней за наступны тыдзень.
Як стала вядома football.by, КДК Беларускай федэрацыі футбола правяла ўжо некалькі пасяджэнняў па пытанні санкцый да «Шахцёра» і іншых удзельнікаў ЧБ за арганізацыю дамоўных матчаў і карупцыю. На гэтых пасяджэннях, куды прыязджалі і прадстаўнікі каманд, праводзілася падрыхтоўчая праца для вынясення канчатковага вердыкту.
Варыянтаў для пакарання шмат, і яны грунтуюцца на артыкулах дысцыплінарнага кодэкса БФФ. А менавіта, на артыкуле 98 (карупцыя) і артыкуле 99 (арганізацыя дамоўных матчаў).
Пад першы з гэтых артыкулаў падпадае так званае стымуляванне трэцім бокам як маніпуляванне вынікамі матчаў. Яно караецца здыманнем не менш чым 15 балаў альбо выключэннем з вышэйшай лігі. А вось да арганізатараў «дагаварнякоў» могуць быць ужытыя абедзве гэтыя меры адначасова.
«Шахцёр» апошнія тры гады рабіўся чэмпіёнам Беларусі па футболе.
Чытаць таксама:
АБФФ не ведае, што рабіць з «Шахцёрам». А прыняць рашэнне трэба цягам тыдня
«Муж сышоў з Сіплым і Малым». Імаверна, пад Краматорскам украінцы адным махам убайдосілі трох беларускіх наёмнікаў18
Каментары