Два чалавекі загінулі і тры атрымалі траўмы ў дарожна‑транспартным здарэнні, якое адбылося ноччу 14 лістапада ў Бярэзінскім раёне Мінскай вобласці.
Як паведамілі ў аддзяленні інфармацыі і грамадскіх сувязей УУС Мінскага аблвыканкама, у 1.45 блізу вёскі Каменны Барок 30‑гадовы грамадзянін Расіі, жыхар Масквы, не справіўся з кіраваннем аўтамабілем «КІА». У выніку машына з’ехала ў кювет, урэзалася ў дрэва і загарэлася.
Загінулі кіроўца аўтамабіля і адзін з чатырох пасажыраў — 14‑гадовы хлопчык, вучань Каменнаборскай сярэдняй школы.
У Бярэзінскую раённую бальніцу дастаўлены жыхары гэтай вёскі, 1983 і 1991 гадоў нараджэння, і 15‑гадовая жыхарка вёскі Крапіўня.
Паводле гэтага факта распачата справа на падставе ч. 3 арт. 317 Крымінальнага кодэкса (парушэнне правілаў дарожнага руху або эксплуатацыі транспартных сродкаў).
Як паведамілі ва ўпраўленні Дзяржаўтаінспекцыі МУС, за мінулыя трое сутак у Беларусі зарэгістравана 75 ДТЗ з пацярпелымі. У аварыях загінулі 19 чалавек і 77 атрымалі раненні. Шэсць дарожна‑транспартных здарэнняў адбыліся па віне п’яных вадзіцеляў. За кіраванне аўтатранспартам у стане алкагольнага ап’янення затрыманы 518 кіроўцаў.
За парушэнне правілаў дарожнага руху да адказнасці прыцягнуты 4.248 пешаходаў; 2.766 з іх знаходзіліся на дарозе ў цёмны час сутак без святлоадбіўных элементаў.
За няпропуск пешаходаў на пераходах да адказнасці прыцягнуты 593 вадзіцелі.
«Паднябеннага збіваў былы начальнік калоніі». Вось што расказваюць пра палітвязня, які загінуў за кратамі ў 36 гадоў4
Каментары