У гэтым годзе Сацыял-дэмакратычнай партыі Германіі (СДПГ) спаўняецца 160 гадоў. Гэта найстарэйшая партыя краіны, ля вытокаў якой стаялі Фердынанд Ласаль, Вільгельм Лібкнехт, Аўгуст Бебель.
Пры Бісмарку і Гітлеру яна была забаронена, а ў ФРГ доўгія гады знаходзілася ў апазіцыі Хрысціянска-дэмакратычнаму саюзу. Цяпер СДПГ узначальвае кіроўную ў краіне кааліцыю, піша Bild.
Пасля скандалу з наведваннем амбасады РФ 9 мая шэраг сацыял-дэмакратаў прапанаваў выключыць Шродэра з партыі.
Арбітражная камісія СДПГ адхіліла гэтую ініцыятыву. Але экс-канцлера не сталі запрашаць на юбілейныя ўрачыстасці ў Берліне 23 мая.
Генеральны сакратар СДПГ Кевін Кюнерт прама заявіў, што гэта звязана з наведваннем Шродэрам амбасады РФ і «блізкасцю да распальвальніка вайны і агрэсара».
Пры гэтым Шродэра можна будзе ўбачыць 23 мая ў роліку пра гісторыю СДПГ. Па словах Кюнерта, экс-канцлер застаецца «часткай сацыял-дэмакратычнай гісторыі», а «разрыў з Герхардам Шродэрам — гэта не гістарычны, а сучасны разрыў».
Цяпер чытаюць
«Муж сышоў з Сіплым і Малым». Імаверна, пад Краматорскам украінцы адным махам убайдосілі трох беларускіх наёмнікаў18
Каментары