Алену Шарабайку аштрафавалі на 2590 рублёў.
30 мая суддзя Глыбоцкага суда Аляксандр Аляксеенка аштрафаваў Алену Шарабайку на 70 базавых велічыняў (2590 беларускіх рублёў) паводле ч. 3 арт. 24.23 КаАП (несанкцыянаванае пікетаванне).
Судзілі жанчыну за тое, што ў сеціве сілавікі знайшлі яе фота разам з мужам ля іх дома, на рагу якога вісіць нацыянальны сцяг.
А лайкнуў гэта фота яшчэ ў 2017 годзе яе муж Аляксандр, які сядзіць у віцебскім СІЗА.
Перад гэтым у доме Алены сілавікі правялі ператрус. Ён быў звязаны з тым, што каля возера Кагальнага ў цэнтры Глыбокага быў знойдзены бел-чырвона-белы сцяг.
Як адзначае «Віцебская вясна», сёлета гэта ўжо другі вялікі штраф жанчыне — і ён для яе непад'ёмная сума, улічваючы тое, што цяпер матэрыяльнае становішча ў сям’і вельмі складанае.
У Мінску адбыліся масавыя затрыманні выдаўцоў і кнігараспаўсюднікаў33
Каментары