Навіна пра тое, што EBLAN з Кітая збіраўся прыйсці ў Расію, аказалася фэйкам
Такі кітайскі брэнд сапраўды існуе, але інфармацыя пра яго прыход на расійскі рынак — гэта стары жарт, які імгненна стаў мегапапулярным у інтэрнэце, заўважыла выданне «Сенсацый.нет».
12 чэрвеня многія медыя і тэлеграм-каналы, у тым ліку і «Наша Ніва», напісалі пра тое, што кітайскі брэнд адзення пад назвай EBLAN збіраецца прыйсці на расійскі рынак, аднак гэтая навіна аказалася непраўдзівай.
Расійскае выданне «Сенсацый.нет» напісала, што сапраўдная першакрыніца навіны — пост сямігадовай даўнасці ў адным з паблікаў сацсеткі «УКантакце», які быў выкарыстаны сайтам «Восток. Медиа» для нядаўняга распаўсюджвання фэйку са згадваннем у якасці крыніцы самой кампаніі EBLAN.
«Сенсацый.нет» адзначае, што гэты фэйк за пару дзён стаў настолькі папулярным у інтэрнэце, што некаторыя расійскія юрысты і маркетолагі нават сталі публічна ацэньваць магчымую рызыку для кітайскай кампаніі з такой назвай, якая магла б узнікнуць згодна з заканадаўствам Расіі.
Выбачаемся за недакладную інфармацыю.
У загінулай у Сляпянцы дзяўчыне апазналі Яну Кастранкову2
Каментары