Кіраўнік ПВК «Вагнер» Яўген Прыгожын запісаў новае аўдыяпаведамленне, у якім заявіў, што адкручвае ўсё назад. Ягонае паведамленне з'явілася адразу пасля таго, як прэс-служба Лукашэнкі распаўсюдзіла інфармацыю пра паспяховыя перамовы з ім.
«ПВК «Вагнер» хацелі расфармаваць, мы выйшлі 23 чэрвеня на марш справядлівасці. За суткі мы не дайшлі 200 кіламетраў да Масквы. За гэты час мы не пралілі ніводнай кроплі крыві нашых байцоў. Цяпер наступіў момант, калі кроў можа праліцца.
Разумеючы ўсю адказнасць за тое, што будзе праліта руская кроў з аднаго з бакоў, мы разварочваем свае калоны і адыходзім у зваротным кірунку ў палявыя лагеры згодна з планам», — заявіў Прыгожын у запісаным аўдыяпаведамленні.
Дэталяў, на якіх умовах адбываецца адступленне вагнераўцаў, пакуль што не паведамляецца.
Цяпер чытаюць
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою14
Каментары