Беларусь імпартавала вялікую колькасць рапсу з Кіраўскай вобласці Расіі. У мінулым годзе такога не было
Як паведаміў Рассельгаснагляд, ільвіная доля рапсу была адпраўлена ў Беларусь у мінулым месяцы
Рассельгаснагляд 3 ліпеня афіцыйна паведаміў, што Кіраўская вобласць Расіі з пачатку года адправіла на перапрацоўку ў Беларусь 550 тон насення рапсу. Характэрна, што за аналагічны перыяд мінулага года ніякіх падобных паставак у Беларусь адтуль не было.
Ведамства адзначае, што большая частка з гэтага аб'ёму рапсу была адпраўлена менавіта ў чэрвені.
«У чэрвені 2023 года была пракантраляваная адпраўка з Кіраўскай вобласці 462 тон насення рапсу для перапрацоўкі ў Рэспубліку Беларусь. Парушэнняў стандартаў не выяўлена. Усяго ж з пачатку года ў Беларусь адтуль было экспартавана 550 тон рапсу, чаго за аналагічны перыяд мінулага года не адбывалася», — заявіў Рассельгаснагляд.
Нагадаем, што ў мінулым месяцы з'явілася інфармацыя, што, нягледзячы на вайну, Беларусь і Расія сталі самымі буйнымі пастаўшчыкамі рапсавага шроту (пабочны прадукт перапрацоўкі рапсу, які з'яўляецца кормам для ўсіх сельскагаспадарчых жывёл) у краіны Еўрасаюза.
Каментары