Паводка ў Паўднёвай Карэі: выратавальнікі дасталі сем цел з затопленага тунэля, які стаў пасткай
Паўднёвакарэйскія ратавальнікі, якія спрабуюць дабрацца да аўтамабіляў, што захраслі ў затопленым тунэлі, выявілі пакуль сем цел, як піша BBC.
У пастцы ў тунэлі даўжынёй 685 метраў апынуліся 15 аўтамабіляў. Колькі ўсяго там знаходзіцца людзей, невядома.
Праліўныя дажджы выклікалі паводкі, апоўзні і адключэнні электраэнергіі на большай частцы Паўднёвай Карэі.
На гэты момант сама меней 33 чалавекі лічацца загінулымі, 10 — зніклымі без вестак.
Тунэль у Асоне, недалёка ад горада Чхонджу ў цэнтральнай правінцыі Паўночны Чхунчхон, быў хутка затоплены пасля таго, як рака выйшла з берагоў. Кіроўцы і пасажыры не паспелі выбрацца.
У суботу ўдалося выратаваць дзевяць чалавек, лёс астатніх пакуль невядомы.
У суботу ў Паўднёвай Карэі выпала амаль 300 мм ападкаў.
На аэрафотаздымках з пацярпелых ад паводкі раёнаў з-пад вады і бруду бачныя толькі верхавіны дахаў.
Па ўсёй краіне прыпыненыя чыгуначныя зносіны, за выключэннем некаторых маршрутаў з высакахуткаснымі цягнікамі.
Карэйскае метэаралагічнае ўпраўленне прагназуе павелічэнне колькасці ападкаў і папярэджвае аб сур'ёзнай небяспецы праз надвор'е.
Цяпер чытаюць
Туск заявіў пра гатоўнасць адкрыць Баброўнікі і Кузніцу з лістапада46
Каментары