Кітай і Туркменістан рэзка скарацілі колькасць студэнтаў у Беларусі
На гэтую інфармацыю Белстата звярнула ўвагу «Радыё Свабода».
З 2021 года ў Беларусі скарачаецца колькасць студэнтаў-замежнікаў, хоць раней было наадварот: назіраўся трэнд на павелічэнне. З 2021/2022 навучальнага года па сёння студэнтаў-замежнікаў стала менш на 3864 чалавекі — з 24 338 да 20 474. Зніжэнне — на 16%. Гэта вынікае са свежага зборніка Белстата «Беларусь у лічбах».
Скарачэнне за год у трох самых вялікіх групах выглядае так:
- Туркменістан — мінус 2989 (з 6451 да 3462),
- Кітай — мінус 1519 (з 8011 да 6492),
- Іран — мінус 123 (з 313 да 190).
Раней студэнты з Туркменістана складалі больш за палову замежнікаў у беларускіх ВНУ. Напрыклад, у 2019 годзе іх было 10 056.
Па ўсіх астатніх краінах колькасць скарацілася нязначна, а па некаторых нават вырасла:
- Узбекістан — плюс 672 (з 2327 да 2999),
- Шры-Ланка — плюс 144 (з 1439 да 1583),
- Ізраіль — плюс 53 (з 285 да 338).
Пры гэтым з беларускай статыстыкі проста зніклі дзве сотні ўкраінскіх студэнтаў, якія навучаліся ў беларускіх ВНУ да вайны. У зборніку Белстата ў 2020/2021 навучальным годзе яны ёсць. А вось ужо ў новым зборніку «Беларусь у лічбах» іх няма за гэты ж навучальны год. Можна было б падумаць, што ўкраінцаў няма з прычыны нязначнай колькасці, але ўказана колькасць студэнтаў з Казахстана, якіх яшчэ менш — 194. Пры гэтым агульная лічба супадае і там, і там.
Навучанне замежных студэнтаў прыносіць Беларусі дзясяткі мільёнаў даляраў за год.
Цяпер чытаюць
Расіянін з судзімасцю заняўся дабрачыннасцю ў Беларусі. У некаторых пасля дапамогі Дзядзі Яшы пачынаюцца праблемы4
Каментары
Мы не хацім каб у нас як у маскве большая частка насельніцтва была азіятамі, якім чужыя што беларуская культура, што дэмакратычэскія каштоўнасці