Падчас выпрабаванняў новай зброі ва Украіне загінуў брытанскі вайсковец
Міністэрства абароны Вялікабрытаніі 9 снежня паведаміла пра смерць брытанскага вайскоўца ва Украіне. Ён загінуў падчас «трагічнага няшчаснага выпадку», назіраючы за выпрабаваннямі новай абарончай зброі ўдалечыні ад фронту, паведамляе «Еўрапейская праўда».
Здымак ілюстрацыйны. Крыніца: Libkos / AP
Асабістыя даныя вайскоўца, яго званне і дакладныя абставіны здарэння не раскрываюцца. Таксама невядома, якое менавіта ўзбраенне выпрабоўвалася.
Кіеў пакуль не даваў дадатковай інфармацыі, аднак у лістападзе Генеральны штаб Узброеных сіл Украіны паведамляў пра выпрабаванні новай зброі, прызначанай для зніжэння эфектыўнасці расійскіх кіраваных авіябомбаў.
Дакладна не вядома, ці гэта зусім новая сістэма, ці мадэрнізацыя ўжо наяўных сродкаў супрацьпаветранай абароны.
Каментары