Спіс Фрумана ў дзеянні. Грамадзянін Ізраіля абвясціў узнагароду за сілавікоў, якія здзекаваліся з яго ў 2020 годзе
Грамадзянін Ізраіля і ўраджэнец Беларусі Аляксандр Фруман абвясціў узнагароду памерам у 25 тысяч даляраў за арышт сілавікоў, якія здзекаваліся з яго пасля затрымання ў жніўні 2020 года.
«Пару гадоў таму да нас звярнуўся Аляксандр Фруман з просьбай дапамагчы вызначыць асобы карнікаў, якія 10 жніўня 2020 года здзекаваліся з яго ў Савецкім РУУС горада Мінска і Жодзінскай турме. З дапамогай Кіберпартызан ягонае расследаванне завяршылася паспяхова. Цяпер Аляксандр Фруман абвяшчае ўзнагароду за арышт катаў», — пішуць «Кіберпартызаны».
У «спісе Фрумана» дзевяць чалавек, гэта супрацоўнікі Савецкага РУУС Мінска, супрацоўнікі АМАПа і начальнік Следчага камітэта Ленінскага раёна Мінска.
Каментары