На пасяджэнні 30 лістапада прэзідыум Аб’яднаных дэмакратычных сіл (АДС) прыняў рашэнне правесці ў другой палове студзеня наступнага года пасяджэнне палітрады кааліцыі.
«На пасяджэнні плануецца абмеркаваць тры блокі пытанняў: справаздача аб дзейнасці АДС, карэкціроўка стратэгіі кааліцыі з улікам змененай палітычнай сітуацыі, удзел у мясцовых выбарах», — паведаміў старшыня Аб’яднанай грамадзянскай партыі Анатоль Лябедзька.
На пасяджэнні 21 лістапада сойм Партыі БНФ прыняў заяву аб спыненні існавання АДС. У пераліку прычын, якія сведчаць аб развале кааліцыі, указвалася, што асноўны кіруючы орган кааліцыі — палітычная рада — не збіраецца з 2008 года.
Цяпер пастаянна ўдзельнічаюць у мерапрыемствах АДС Аб’яднаная грамадзянская партыя, Партыя камуністаў Беларуская, Беларуская сацыял‑дэмакратычная партыя (Грамада), аргкамітэт Беларускай партыі працоўных і рух «За свабоднае развіццё прадпрымальніцтва».
Цяпер чытаюць
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім6
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3131
Каментары