Дзяўчына заўважыла камеру назірання ў прымерачнай крамы Sinsay. Вось што адказала дырэктарка
Днямі здарыўся новы канфлікт, звязаны з камерамі відэаназірання ў нечаканых месцах. Гэтым разам сумневы ў дзяўчыны выклікала прымерачная крамы Sinsay ў ГЦ «Карона» ў Мінску, піша Onliner.by.
Абураная дзяўчына даслала некалькі фота, дзе ў прымерачнай сапраўды можна заўважыць камеру відэаназірання. У той дзень жаданне працягваць шопінг у Веранікі рэзка знікла.
«А я ж прымярала ніжнюю бялізну», — абураецца дзяўчына. Размова з супрацоўнікам яснасці не дадала. Па словах кліенткі, прадавец проста паціснула плячыма.
Раней юрыст падрабязна тлумачыў правілы выкарыстання камер відэаназірання ў гандлёвых цэнтрах.
Калі коратка, то ў прымерачных ім дакладна не месца.
— Не дапускаецца выкарыстанне відэаназірання ў месцах, якія з'яўляюцца часткай асабістага (прыватнага) жыцця грамадзян. Так, па агульных правілах відэаназіранне недапушчальна ў бытавых і сантэхнічных памяшканнях (у туалетных пакоях, душавых, раздзявалках, прымерачных кабінках і г. д.), бо гэтыя памяшканні — не грамадскія месцы. Ці могуць асобныя арганізацыі ігнараваць правілы і ўсё ж падглядваць за пакупнікамі?
Па каментар журналісты звярнуліся ў саму краму Sinsay на Кальварыйскай.
Дырэктарка патлумачыла, што камера ў прымерачнай прысутнічае, гэта не муляж, але яна здымае выключна калідор. Тое, што адбываецца за закрытай шторкай, застаецца таямніцай для супрацоўнікаў.
— Можаце ўявіць сабе ўваход у прымерачную: паабапал ідуць кабінкі, а паміж імі свабодная прастора. Наша камера здымае выключна людзей у калідоры, гэта не шырокафарматная камера, якая мае агляд на 360 градусаў. Калі шторка адкрытая, вядома, на камеры будзе відаць, як чалавек апранаецца. Але закрытая шторка цалкам абараняе пакупніка ад старонніх. Гэта першы зварот наконт камеры відэаназірання ў гэтай краме, падкрэсліла дырэктарка.
-
«Белавія» адмяніла рэйс у Тэль-Авіў. А ў Доху адправяць пусты самалёт, які забярэ беларускіх турыстаў
-
Руку мінчанкі зацягнула ў цестараскатвалку: вызваляць жанчыну давялося з дапамогай бензарэза
-
Замест штрафу за самагон — крымінальная справа: на Случчыне жанчына распіхала хабар па кішэнях участковым пакуль яе здымалі на камеру
Каментары