Бранзалеты смарт-гадзіннікаў заражаныя велізарнай колькасцю шкодных бактэрый — даследаванне
Раменьчыкі Apple Watch і іншых разумных гадзіннікаў аказаліся ідэальным асяроддзем для размнажэння такіх бактэрый, як стафілакокі, кішэчная палачка і іншыя шкодныя бактэрыі, якія нават могуць прывесці да смерці чалавека. Гэты факт нядаўна высветлілі навукоўцы з Атлантычнага ўніверсітэта ў Фларыдзе, перадае выданне New York Post са спасылкай на новае даследаванне ў навуковым часопісе Advances in Infectious Disease.
У ходзе даследавання навукоўцы пратэставалі бранзалеты з розных матэрыялаў, уключаючы пластык, гуму, тканіну, скуру і метал (золата і срэбра). Высветлілася, што 95% пратэставаных бранзалетаў мелі на сябе велізарную колькасць небяспечных бактэрый, пры гэтым стафілакокі (Staphylococcus spp) былі знойдзеныя на 85% раменьчыкаў.
Каля 60% бранзалетаў сталі «домам» для кішэчнай палачкі, яшчэ 30% паказалі станоўчы вынік пры тэставанні на патэнцыйна смяротную бактэрыю Pseudomonas, якая ўстойлівая да антыбіётыкаў і выклікае сепсіс ды пнеўманію.
«Рэч у тым, што большасць уладальнікаў смарт-гадзіннікаў і фітнэс-бранзалетаў штодзённа носяць свае дэвайсы як на кароткія прагулкі і працу, так і ў спартзалу з актыўнымі фізічнымі нагрузкамі.
Некаторыя выкарыстоўваюць аксесуары падчас сну для кантролю яго якасці, а іншыя прызнаюцца, што не думалі, што трэба мыць ланцужкі з-за таго, што тыя проста выглядаюць чыстымі.
Аднак людзі часта забываюць чысціць ланцужкі, дзе вельмі хутка ствараецца спрыяльнае асяроддзе для мікробаў», — піша New York Post са спасылкай на даследаванне.
Самая высокая канцэнтрацыя бактэрый была выяўленая на раменьчыках з тканіны, другое месца занялі пластыкавыя і гумовыя.
Менш за ўсё бактэрый было выяўлена на металічных бранзалетах.
«Навукоўцы папярэджваюць, што не чысціць сваіх дэвайсаў катэгарычна недапушчальна. Яны сцвярджаюць, што лепш за ўсё для ачысткі раменьчыкаў падыходзіць 70-працэнтны этылавы спірт — гэта забяспечыць знішчэнне больш чым 99,99% бактэрый незалежна ад матэрыялу бранзалета.
Акрамя таго, можна выкарыстоўваць яблычны воцат, бо ён дазваляе рабіць мыццё экалагічна чыстым, аднак воцат практычна ніяк не ўздзейнічае на некаторыя штамы бактэрый стафілакока», — адзначае New York Post.
Асобна даследчыкі звярнулі ўвагу, што медыцынскія работнікі павінны дэзынфікаваць свае бранзалеты асабліва пільна, бо многія з выяўленых на іх мікраарганізмаў устойлівыя да антыбіётыкаў.
Цяпер чытаюць
Што робяць з беларусамі, якіх арыштавалі, але не паспяваюць асудзіць за пратэсты. Ёсць два шляхі4
Каментары
🥃 Нецьвярозая нейкая недагаворанасьць. Чаму толькі этылавы сьпірт «знішчае больш чым 99,99%» (ну, дапішы яшчэ тузін дзявятак замест «больш»!) няшчасных тых бактэрыяў? Калі мэтылавы выдатна сьмяроціць нават чалавека, які крыху, так бы мовіць, сербане яго з гарла?
🥿 І ці ня сеў аўтар у галёшу, не ўзгадаўшы тутака «галёшу»? Бо шырока распаўсюджаны Нафрас С-2-80/120, які носіць гэткую мянушку, у адрозьненьне ад сьпірту, не псуе пэўныя й асабліва лякавыя пакрыцьці. І ў тэй час выдатна змывае біялягічны, жывы й мёртвы, бруд зь любой паверхні.
🦠 Плюс падзівіла дзіваватая амнэзыя ў наступным мейсцы. Гэлэ: «Самая высокая канцэнтрацыя бактэрый была выяўленая на раменьчыках з тканіны, другое месца занялі пластыкавыя і гумовыя. Менш за ўсё бактэрый было выяўлена на металічных бранзалетах». То бок, чаму вы рэзка забыліся пра дзя́жкі са скуры, хай нават са штучнага (іскусьцьвіннага) кракадыла? Між тым для дарагіх смартóў іх рэжуць нават з гадаў (я пра зьмей, а не пра гэных) і з марскіх скáтаў-скатоў! Ватамака й мусяць жыць на поўніцу цэлыя гародзішчы мікраарганізмаў.
⌚ Але больш зьбянтэжыла, што аўтар(ка) піша менавіта пра раменьчыкі й бранзалеты смарт-гадзіньнікаў. Быццам звычайны мэханічны гадзіньнічак яксьці сам адпужвае мікроба, амёбу гэну, інфузорыю ў туфельках!