Контрвыведка СБУ атакавала аэрадром у расійскім Курску ў ноч на 27 жніўня. Там размяшчаюцца самалёты і сродкі СПА. Пра атаку «РБК-Украіна» распавялі крыніцы ў Службе бяспекі Украіны.
Як паведамляюць крыніцы выдання, дроны-камікадзэ адпрацавалі па чатырох самалётах Су-30 і адным МіГ-29. Таксама сярод паражоных цэляў — радары комплексу С-300 і два «Панцыры».
Амаль усе беспілотнікі СБУ даляцелі да сваіх цэляў, паводле папярэдняй інфармацыі, толькі тры з іх былі збітыя сродкамі СПА Расіі, піша «РБК-Украіна».
«Мяркуючы па тым, што нават самі расіяне зафіксавалі як мінімум 13 выбухаў, «бавоўна» атрымалася ўражальнай. Дакладныя наступствы паражэнняў і колькасць загінулых і параненых даведаемся найбліжэйшым часам», — дадалі ў СБУ.
За аперацыяй стаялі вайсковыя контрразведчыкі з 13-га Галоўнага ўпраўлення СБУ.
Гэтай ноччу ў Курску прагрымелі выбухі. Мясцовыя жыхары ў сацсетках паведамлялі, што таксама чулі аўтаматныя чэргі. Пазней у сеціве былі апублікаваныя кадры з момантам выбуху, на іх зафіксавана яркая ўспышка ў начным небе.
Губернатар Курскай вобласці пацвердзіў, што Курск спрабавалі атакаваць дронамі. Аднак ён заявіў, што толькі нібыта адзін дрон трапіў у шматпавярховік.
-
У акупаваным Луганску скончыўся бензін АІ-92 і АІ-95. Яго дэфіцыт назіраецца і ў некаторых рэгіёнах Расіі
-
Колькі ўкраінцаў згодны на перамовы на любых умовах, а колькі за тое, каб ваяваць, пакуль не выйдуць на мяжу 2022 года
-
Сотні людзей прыйшлі ў Кіеве развітацца з маладой маці і яе дачкой, якія загінулі ад расійскага ўдару
Цяпер чытаюць
«Пасля Новага года можам апынуцца на вуліцы». Наведаліся ў шэлтар, які дае дах над галавой палітвязням, вымушаным пакінуць Беларусь1
«Пасля Новага года можам апынуцца на вуліцы». Наведаліся ў шэлтар, які дае дах над галавой палітвязням, вымушаным пакінуць Беларусь
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7777
Каментары