Зніклую 16-гадовую расійскую фігурыстку знайшлі. Пра яе не было нічога вядома амаль суткі
Аліна Гарбачова знойдзеная вечарам аўторка паліцэйскімі ў Маскве, яе жыццю нічога не пагражае. Sports.ru расказвае, як развіваліся падзеі.
1. Каля 13 гадзіны ў аўторак стала вядома, што Аліна Гарбачова знікла. Напярэдадні вечарам яна сышла з катка на «Чкалаў Арэне». Апошні раз камеры зафіксавалі спартсменку па адрасе Валакаламская шаша, будынак 67.
2. А 13:30 з'явілася паведамленне, што на Пакроўскай набярэжнай выявілі рэчы Гарбачовай. Пазней высветлілася, што інфармацыя непраўдзівая: на пляжы аператыўнікі знайшлі толькі шкарпэткі — невядома, ці належалі яны фігурыстцы.
3. Пазней стала вядома, што Аліна знікла пасля сваркі з трэнеркай — фігурыстка працуе пад кіраўніцтвам Соф'і Федчанка. Таксама з'явілася інфармацыя, што Гарбачова хоча змяніць трэнерку і можа знаходзіцца ў кагосьці з сяброў.
4. Пракуратура Масквы апублікавала відэа з Гарбачовай, якая сыходзіць з трэніроўкі на «Чкалаў Арэне».
5. Бабуля Аліны заявіла, што ўнучка «пасварылася з трэнеркай і сышла». Яна адзначыла, што трэнерка Федчанка «тры гады забараняла Аліне кантактаваць» са сваякамі.
6. Следчы камітэт распачаў крымінальную справу аб забойстве пасля знікнення Гарбачовай.
7. Да пошуку фігурысткі падключыліся добраахвотнікі пошукавага атрада «Ліза-алерт». Прыняць удзел у пошуках вырашыла і чэмпіёнка Расіі ў танцах на лёдзе Лізавета Худайбердыева.
8. Каля 17 гадзіны вадалазы скончылі працу па пошуку Гарбачовай у Маскве-рацэ.
9. Харэограф Мікіта Міхайлаў, які працуе з групай Соф'і Федчанка, заявіў, што ў Гарбачовай і яе трэнеркі не было ніякіх канфліктаў.
10. Каля 20 гадзіны пракуратура Масквы апублікавала відэа з камеры назірання маскоўскай кавярні на Валакаламскай шашы — у кадр трапіла Аліна, відэа было знята каля 13 гадзіны.
11. Каля 22 гадзіны паліцыя знайшла Гарбачову ў кінатэатры аднаго з гандлёвых цэнтраў. Паводле заявы маскоўскай пракуратуры, жыццю і здароўю фігурысткі нічога не пагражае.
Каментары