Органы пракуратуры разгарнулі паляванне за кнігамі, што былі выдадзеныя пад эгідай Анатоля Тараса, якія былі прызнаныя экстрэмісцкімі матэрыяламі.
Пракуратура Першамайскага раёна Мінска выявіла кнігу Алега Усачова «Хто, як і навошта забіў Вільгельма Кубэ» пад рэдакцыяй Анатоля Тараса ў інтэрнэт-краме Wildberries, піша Reform.by.
Пракуратура ўстанавіла прадаўца кнігі. У дачыненні да яго склалі адміністрацыйны пратакол па артыкуле аб распаўсюдзе экстрэмісцкіх матэрыялаў (арт.19.11 КаАП). Паводле рашэння суда мужчыну арыштавалі на 13 сутак.
Нядаўна пракуратура выявіла яшчэ адну кнігу Тараса ў продажы. На патрабаванне пракуратуры выданне канфіскавалі.
Каментары