Вязня перазатрымалі на «хіміі» і асудзілі на два з паловай гады калоніі ў тым ліку і за абразу міліцыянта
У судзе Іванаўскага раёна 25 жніўня асудзілі Віктара Мелехава паводле арт. 369 (абраза прадстаўніка ўлады), ч. 1 арт. 328 (незаконны абарот наркатычных сродкаў і псіхатропных рэчываў). Суддзя Генадзь Кудласевіч прызначыў мужчыну два з паловай гады калоніі і штраф 11 100 рублёў, піша «Вясна».
21 красавіка ў судзе Цэнтральнага раёна Мінска Уладзіміра ўжо судзілі па тых жа самых артыкулах. Тады мужчыну прызначылі чатыры гады абмежавання волі з накіраваннем у папраўчую ўстанову адкрытага тыпу («хімія») і штраф 7400 рублёў. Уладзімір паспеў часткова адбыць пакаранне.
З судовай пастановы вынікае, што Уладзіміра перазатрымалі на «хіміі», каб узмацніць яму пакаранне. Мужчына ўтрымліваецца пад вартай з дзясятага ліпеня 2023 года.
Уладзіміра абвінавацілі ў тым, што ён пятага ліпеня 2021 года пакінуў абразлівы каментар у тэлеграм-канале «Карнікі Беларусі» ў адрас маёра міліцыі С. у Іванаве. Міліцыянт у 2020 годзе займаўся «аховай грамадскага правапарадку», ён датычны да разгляду адміністрацыйных спраў, якія масава заводзілі на беларусаў за ўдзел у пратэсных акцыях.
«Муж сышоў з Сіплым і Малым». Імаверна, пад Краматорскам украінцы адным махам убайдосілі трох беларускіх наёмнікаў18
Каментары