У Беларусь працягваюць завозіць тактычную ядзерную зброю — Супольнасць чыгуначнікаў
Выкананне новага этапу пачалося на мінулым тыдні.
Асобныя этапы дастаўкі кампанентаў тактычнай ядзернай зброі выкананыя. На станцыю Прудок (Віцебскае аддзяленне БЧ) у вайсковую часць 94017 (2631‑я авіяцыйная база ракетнага ўзбраення і боепрыпасаў) у адпаведнасці з першым этапам дастаўкі ўжо ў чэрвені былі дастаўлены некаторыя часткі, кампаненты і абсталяванне, якія адносяцца да гэтага тыпу ўзбраення, паведамляе «Супольнасць чыгуначнікаў Беларусі».
Акрамя таго, у Беларусь працягваецца дастаўка камплектаў аператыўна-тактычных ракетных комплексаў «Іскандэр-М». Баявая частка ракет гэтага комплексу можа быць выкарыстана ў тым ліку і для тактычных ядзерных зарадаў.
Для захавання максімальнай сакрэтнасці дастаўкі частак тактычнай ядзернай зброі ажыццяўляюцца невялікімі групамі па 3—6 вагонаў з выдзяленнем асобнага лакаматыва.
Прычым пры адпраўленні са станцыі Расійскай чыгункі цягнік, у складзе якога ёсць спецыяльныя вагоны, змяняе свой нумар і індэкс пры перасячэнні мяжы з Маскоўскай чыгункай і перад прыбыццём на першую грузавую станцыю на тэрыторыі Беларусі. Пры кожнай такой змене нумара і індэкса ажыццяўляецца змяненне і станцыі адпраўлення (прызначэння) цягніка.
З 26 жніўня «Супольнасцю чыгуначнікаў» зафіксаваны адпраўкі з РЧ на БЧ вагонаў групамі ад 3-х да 6-і адзінак, якія мелі нумарацыю цягнікоў, адпаведную воінскім эшалонам, і з прыкметамі ўтойвання сапраўднай станцыі адпраўлення (і прызначэння) трох саставаў.
Акрамя таго, пасля 5 верасня было заўважана яшчэ два воінскія эшалоны з прыкметамі ўтойвання сапраўднай станцыі адпраўлення (і прызначэння).
Прыём цягнікоў на тэрыторыю Беларусі ажыццяўляўся праз перадатачны ўчастак Краснае (РФ) — Асінаўка (РБ).
Агулам заўважана як мінімум пяць цягнікоў, якія падпадаюць пад катэгорыю воінскіх эшалонаў у адпаведнасці з такім родам грузу. Канчатковымі пунктамі прызначэння гэтых цягнікоў на тэрыторыі Беларусі з'яўляюцца станцыі Баранавічы-Палескія і Лунінец (Баранавіцкае аддзяленне БЧ).
Акрамя таго, яшчэ трэба будзе здзейсніць каля трох «адправак» на станцыю Прудок (Віцебскае аддзяленне БЧ) кампанентаў тактычнай ядзернай зброі і звязанага з ім абсталявання, запланаваных на кастрычнік — лістапад 2023 года са станцый РЧ.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам15
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2525
Каментары