Новая статыстыка Нацбанка паказвае, што ў даляравым эквіваленце аб'ём імпарту па артыкуле «Паездкі» крыху вырас.
Імпарт паслуг па артыкуле «Паездкі» і па паслугах пасажырскага транспарту склаў згодна з вынікамі другога квартала 35,5 млн даляраў, як вынікае з новай статыстыкі Нацбанка Беларусі.
У першым квартале гэты паказчык быў 34 млн даляраў. Для параўнання: у 2022 годзе ў першым квартале — 25,5 млн даляраў, у другім — 29,9 млн, у трэцім — 28,7 млн, у чацвёртым — 26,6 млн.
Супастаўныя з цяперашнім узроўнем паказчыкі былі ў студзені—сакавіку і кастрычніку—снежні 2020 года — 32,2 млн і 30,2 млн адпаведна. У 2019 годзе ў трэцім і чацвёртым кварталах выдаткі былі яшчэ большыя — 42,9 млн і 44,4 млн.
Гэтыя сумы адлюстроўваюць не толькі аплату паездак на транспарце за мяжой, але і ў цэлым выдаткі жыхароў Беларусі ў іншых краінах. Сюды ўключаюцца як турыстычныя паездкі, так і дзелавыя камандзіроўкі. Пры гэтым Нацбанк не ўдакладняе, пра якія менавіта краіны ідзе гаворка.
Апублікаваны таксама і даныя аб экспарце па артыкуле «Паездкі». Гэты артыкул ахоплівае выдаткі жыхароў іншых краін у Беларусі. У першым квартале сума такіх выдаткаў склала 3,5 млн, а ў другім — 3,6 млн даляраў. Гэты паказчык не моцна адрозніваецца ад таго, што быў у мінулым годзе, калі квартальны аб'ём вагаўся ад 3,4 млн да 3,9 млн даляраў.
Цяпер чытаюць
Галыгіна прымусілі апраўдвацца за зварот да сілавікоў у 2020-м2
Галыгіна прымусілі апраўдвацца за зварот да сілавікоў у 2020-м
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары