Вайна99

«Яшчэ раз, хто на каго напаў: Украіна на нас, ці Расія на Украіну? Вось хто напаў, той не мае рацыі. І хопіць п*** на гэту тэму» — Андрэй Макарэвіч даў адлуп расійскаму прапагандысту

У размове з былым PR-дырэктарам «Билайн», а цяпер аўтарам уласнага ток-шоу на YouTube Георгіем Лобушкіным вядомы спявак рэзка выказаўся адносна вайны, санкцый і ўмоваў перамір'я.

Андрэй Макарэвіч Андрей Макаревич Andrey Makarevich
Андрэй Макарэвіч падчас інтэрв'ю. Скрыншот відэа vlobushkin / YouTube

У вялікім інтэрвʼю акрамя абмеркавання тэм, звязаных з творчасцю і жыццём Макарэвіча ў Ізраілі, былі закранутыя пытанні санкцый і вайны.

Як адзначыў Лобушкін, ініцыятарам інтэрвʼю выступіў сам Макарэвіч. Размова запісвалася ў Ізраілі. Падчас яе асобнымі пытаннямі вядучы спрабаваў вывесці Макарэвіча з раўнавагі, схіліць у свой бок. Але музыкант трымаўся цвёрда.

Прыводзім найбольш цікавую і напружаную частку дыялогу.

Хто вінаваты ў санкцыях

— Заходнія ж краіны наклалі санкцыі, — сказаў Лобушкін.

— Праўда? Што ты кажаш! Як думаеш, чаму яны наклалі санкцыі? Проста так, прачнуліся раніцай — давай накладзём санкцыі на лекі, каб Расіі горш жылося? Напэўна, яны нас хочуць са свету звесці. Праўда? Я дзесьці пра гэта чытаў. Увесь свет хоча звесці Расію са свету. Так? — з'едліва адказаў Макарэвіч.

— Ну гэта зразумела, што гэта рэакцыя на бягучыя падзеі.

— Дружа мой, чаго ты ад мяне хочаш пачуць?

— Я проста хачу зразумець. Ну, гэта ж не Дума забараніла лекі.

— Не, гэта не Дума. Гэта адна краіна вераломна напала на іншую і за гэта атрымала па галаве. Толькі атрымалі жыхары, якія рабілі выгляд, што ўсё добра — у нас разумны цар, ён вырашае. Вось ён давырашаўся. А цяпер яны сядзяць без лекаў. А як жа так? А вось так.

— Ну, добра, а чаму з-за гэтага жыхары Расіі не могуць атрымаць лекі?

— Бо гэта іх прэзідэнт прыняў рашэнне. Яны ў адказе за свайго прэзідэнта. Яны ж неяк яго выбіралі. Праўда? У яго ж вялізны рэйтынг. Яго ж вельмі любяць расіяне. Ну і аддыхвайцеся, хлопцы.

— Атрымліваецца, што ўсім трэба зʼязджаць?

— Я не ведаю, што атрымліваецца. Атрымліваецца, што з вайной трэба заканчваць і даўно.

— Атрымліваецца, і тыя, хто не падтрымлівае прэзідэнта, СВА і бягучую сітуацыю, яны ж таксама пакутуюць.

— Таксама пакутуюць. На жаль.

— І тыя, хто зʼехалі, пакутуюць?

— На жаль, так. Так атрымалася, што з-за капрызу аднаго дзядзечкі зламалася жыццё ў пары мільёнаў людзей. Разумееш? А пару сотняў тысяч былі забітыя з-за гэтага капрызу. І гэта працягваецца кожны дзень. Усё добра? Яшчэ раз, хто на каго напаў: Украіна на нас ці Расія на Украіну? Вось хто напаў, той не мае рацыі. І хопіць пі…ць на гэтую тэму! Гэта відавочна. Калі Германія напала на Савецкі Саюз, яна не мела рацыі. Ніхто з гэтым не спрачаецца.

Як павінна скончыцца вайна

— Ты кажаш, што вайна павінна быць скончаная і Украіна павінна вярнуць свае тэрыторыі, — спытаў Лобушкін.

— Я вельмі на гэта спадзяюся, — адказаў Макарэвіч.

— Гэта хіба крок увогуле насустрач прымірэнню?

— Гэта ўмова, а не крок насустрач прымірэнню. У цябе адабралі паўкватэры, а потым прыйшлі і сказалі: давай сябраваць, а то горш будзе. А ты скажаш: не, пачакай, ты мне вярні, калі ласка, тое, што ты адабраў, а там паглядзім, будзем мы з табой сябраваць ці ўвогуле лепш ад цябе трымацца далей. Няўжо не так?

— Уявім гіпатэтычную сітуацыю. Калі б вайну можна было спыніць сёння. У бягучай сітуацыі. Каб перасталі паміраць людзі. Каб скончыўся агонь.

— Я думаю, што Украіна не пагодзіцца. Гэта трэба ў іх пытацца. Я спадзяюся, што так яны не спыняцца. Яны вернуць.

— Ты ж гаворыш, што трэба скончыць вайну.

— Трэба скончыць. Трэба аддаць тое, што захапіў. І скончыць.

Чытайце яшчэ:

Андрэя Макарэвіча абвясцілі «замежным агентам» з-за прапаганды «дэвіянтнай мадэлі паводзін, якая не адпавядае дзяржаўнай палітыцы РФ»

Андрэй Макарэвіч запісаў прывітанне для нашаніўца-палітвязня Андрэя Скурко

Андрэй Макарэвіч: Калі нехта крычыць пра вайну: «Так і трэба!» — я гэтага чалавека проста закрэсліваю

Каментары9

  • АндрК
    18.09.2023
    Вялікая павага пану Андрэю 💪👏
  • Вялікі Дзякуй Андрэю!
    18.09.2023
    Какая же мр*зь этот рашистский пропагандист лобушкин - путинская сопля, который на протяжении всего интервью обращался на «ты» к Андрею Макаревичу, который годится ему в отцы. А Макаревичу низкий поклон за его позицию и светлый разум, что поставил на место этого сопляка. Я просто удивляюсь как у Макаревича хватило сил выдержать весь словесный понос этого р-уzzкого пропагандона.
  • ром
    18.09.2023
    Эта война образно- дерутся два гопника алкаша !

    Ну а так все верно Макаревич говорит….Согласен на 1000% - виноват алкаш который первый напал👍

Цяпер чытаюць

«Крыва пакурыў». Алімпійскага чэмпіёна Арамнава затрымалі, збілі і адпусцілі з ІЧУ з крыміналкай3

«Крыва пакурыў». Алімпійскага чэмпіёна Арамнава затрымалі, збілі і адпусцілі з ІЧУ з крыміналкай

Усе навіны →
Усе навіны

У беларускай вёсцы на Смаленшчыне знайшлі жудасную шасціпальцую руку, якой каля 7 тысяч гадоў9

«Нёман» прайграў фарэрскаму «Клаксвіку» ў першым матчы трэцяга раўнду Лігі канферэнцый7

«Дудзя глядзеў? А Дудзь — шпіён». Беларусы расказалі, як цяпер праходзяць праверкі тэлефонаў і апытанні на мяжы14

«Мне літоўцы сказалі не свяціцца, таму што спецслужбы шукаюць, як падабрацца». Франак Вячорка пра пагрозы9

У Барысаве выдзяляюць больш чым мільён даляраў на «адраджэнне яўрэйскіх традыцый»1

У Зэльвенскім раёне начальнік прасіў прабачэння пасля роліка ў TikTok1

Стала вядомая прычына смерці Озі Осбарна1

Расійскія шпіёны сачылі за Грозевым з дапамогай шпіёнскіх акуляраў. Вось як гэта было

Стала вядома, якім можа быць «лёгкі першы крок» Трампа, калі Расія праігнаруе ягоны ультыматум5

больш чытаных навін
больш лайканых навін

«Крыва пакурыў». Алімпійскага чэмпіёна Арамнава затрымалі, збілі і адпусцілі з ІЧУ з крыміналкай3

«Крыва пакурыў». Алімпійскага чэмпіёна Арамнава затрымалі, збілі і адпусцілі з ІЧУ з крыміналкай

Галоўнае
Усе навіны →

Заўвага:

 

 

 

 

Закрыць Паведаміць