Vajna99

«Jašče raz, chto na kaho napaŭ: Ukraina na nas, ci Rasija na Ukrainu? Voś chto napaŭ, toj nie maje racyi. I chopić p*** na hetu temu» — Andrej Makarevič daŭ adłup rasijskamu prapahandystu

U razmovie z byłym PR-dyrektaram «Biłajn», a ciapier aŭtaram ułasnaha tok-šou na YouTube Hieorhijem Łobuškinym viadomy śpiavak rezka vykazaŭsia adnosna vajny, sankcyj i ŭmovaŭ pieramirja.

Andrej Makarevič Andriej Makarievič Andrey Makarevich
Andrej Makarevič padčas intervju. Skrynšot videa vlobushkin / YouTube

U vialikim intervju akramia abmierkavańnia tem, źviazanych z tvorčaściu i žyćciom Makareviča ŭ Izraili, byli zakranutyja pytańni sankcyj i vajny.

Jak adznačyŭ Łobuškin, inicyjataram intervju vystupiŭ sam Makarevič. Razmova zapisvałasia ŭ Izraili. Padčas jaje asobnymi pytańniami viadučy sprabavaŭ vyvieści Makareviča z raŭnavahi, schilić u svoj bok. Ale muzykant trymaŭsia ćviorda.

Pryvodzim najbolš cikavuju i napružanuju častku dyjałohu.

Chto vinavaty ŭ sankcyjach

— Zachodnija ž krainy nakłali sankcyi, — skazaŭ Łobuškin.

— Praŭda? Što ty kažaš! Jak dumaješ, čamu jany nakłali sankcyi? Prosta tak, pračnulisia ranicaj — davaj nakładziom sankcyi na leki, kab Rasii horš žyłosia? Napeŭna, jany nas chočuć sa śvietu źvieści. Praŭda? Ja dzieści pra heta čytaŭ. Uvieś śviet choča źvieści Rasiju sa śvietu. Tak? — źjedliva adkazaŭ Makarevič.

— Nu heta zrazumieła, što heta reakcyja na biahučyja padziei.

— Druža moj, čaho ty ad mianie chočaš pačuć?

— Ja prosta chaču zrazumieć. Nu, heta ž nie Duma zabaraniła leki.

— Nie, heta nie Duma. Heta adna kraina vierałomna napała na inšuju i za heta atrymała pa hałavie. Tolki atrymali žychary, jakija rabili vyhlad, što ŭsio dobra — u nas razumny car, jon vyrašaje. Voś jon davyrašaŭsia. A ciapier jany siadziać bieź lekaŭ. A jak ža tak? A voś tak.

— Nu, dobra, a čamu z-za hetaha žychary Rasii nie mohuć atrymać leki?

— Bo heta ich prezident pryniaŭ rašeńnie. Jany ŭ adkazie za svajho prezidenta. Jany ž niejak jaho vybirali. Praŭda? U jaho ž vializny rejtynh. Jaho ž vielmi lubiać rasijanie. Nu i addychvajciesia, chłopcy.

— Atrymlivajecca, što ŭsim treba zjazdžać?

— Ja nie viedaju, što atrymlivajecca. Atrymlivajecca, što z vajnoj treba zakančvać i daŭno.

— Atrymlivajecca, i tyja, chto nie padtrymlivaje prezidenta, SVA i biahučuju situacyju, jany ž taksama pakutujuć.

— Taksama pakutujuć. Na žal.

— I tyja, chto zjechali, pakutujuć?

— Na žal, tak. Tak atrymałasia, što z-za kapryzu adnaho dziadziečki złamałasia žyćcio ŭ pary miljonaŭ ludziej. Razumieješ? A paru sotniaŭ tysiač byli zabityja z-za hetaha kapryzu. I heta praciahvajecca kožny dzień. Usio dobra? Jašče raz, chto na kaho napaŭ: Ukraina na nas ci Rasija na Ukrainu? Voś chto napaŭ, toj nie maje racyi. I chopić pi…ć na hetuju temu! Heta vidavočna. Kali Hiermanija napała na Saviecki Sajuz, jana nie mieła racyi. Nichto z hetym nie spračajecca.

Jak pavinna skončycca vajna

— Ty kažaš, što vajna pavinna być skončanaja i Ukraina pavinna viarnuć svaje terytoryi, — spytaŭ Łobuškin.

— Ja vielmi na heta spadziajusia, — adkazaŭ Makarevič.

— Heta chiba krok uvohule nasustrač prymireńniu?

— Heta ŭmova, a nie krok nasustrač prymireńniu. U ciabie adabrali paŭkvatery, a potym pryjšli i skazali: davaj siabravać, a to horš budzie. A ty skažaš: nie, pačakaj, ty mnie viarni, kali łaska, toje, što ty adabraŭ, a tam pahladzim, budziem my z taboj siabravać ci ŭvohule lepš ad ciabie trymacca dalej. Niaŭžo nie tak?

— Ujavim hipatetyčnuju situacyju. Kali b vajnu možna było spynić siońnia. U biahučaj situacyi. Kab pierastali pamirać ludzi. Kab skončyŭsia ahoń.

— Ja dumaju, što Ukraina nie pahodzicca. Heta treba ŭ ich pytacca. Ja spadziajusia, što tak jany nie spyniacca. Jany viernuć.

— Ty ž havoryš, što treba skončyć vajnu.

— Treba skončyć. Treba addać toje, što zachapiŭ. I skončyć.

Čytajcie jašče:

Andreja Makareviča abviaścili «zamiežnym ahientam» z-za prapahandy «devijantnaj madeli pavodzin, jakaja nie adpaviadaje dziaržaŭnaj palitycy RF»

Andrej Makarevič zapisaŭ pryvitańnie dla našaniŭca-palitviaźnia Andreja Skurko

Andrej Makarevič: Kali niechta kryčyć pra vajnu: «Tak i treba!» — ja hetaha čałavieka prosta zakreślivaju

Kamientary9

  • AndrK
    18.09.2023
    Vialikaja pavaha panu Andreju 💪👏
  • Vialiki Dziakuj Andreju!
    18.09.2023
    Kakaja žie mr*ź etot rašistskij propahandist łobuškin - putinskaja sopla, kotoryj na protiažienii vsieho intierv́ju obraŝałsia na «ty» k Andrieju Makarieviču, kotoryj hoditsia jemu v otcy. A Makarieviču nizkij pokłon za jeho poziciju i śvietłyj razum, čto postavił na miesto etoho soplaka. Ja prosto udivlajuś kak u Makarieviča chvatiło sił vydieržať vieś słoviesnyj ponos etoho r-uzzkoho propahandona.
  • rom
    18.09.2023
    Eta vojna obrazno- dierutsia dva hopnika ałkaša !

    Nu a tak vsie vierno Makarievič hovorit….Sohłasien na 1000% - vinovat ałkaš kotoryj piervyj napał👍
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Što stała pryčynaj śmierci troch rabotnikaŭ «Biełarusnafty» padčas ramontu na trasie

Što stała pryčynaj śmierci troch rabotnikaŭ «Biełarusnafty» padčas ramontu na trasie

Usie naviny →
Usie naviny

Ceny na šakaład ździŭlajuć12

Navumčyk pra niezaležnaść Biełarusi: Pucin nie zdolny mabilizavać nivodnaha biełarusa na vajnu — nacyjanalnyja aŭtanomii Rasii nie majuć i hetaha29

Muzykanty vydalajuć svaju muzyku sa Spotify, bo jon spansaruje kampaniju, jakaja vyrablaje tysiačy dronaŭ dla Ukrainy26

«Heta svojeasablivaje partniorstva». Tramp zaklučyŭ ździełku, pa jakoj krainy Jeŭropy abaviazany płacić taryf 15%8

U Hiermanii syšoŭ z rejek pasažyrski ciahnik. Jość zahinułyja1

Praz Soniečnuju sistemu lacić abjekt, pavodziny jakoha nahadvajuć kiravany kaśmičny karabiel18

Rasijski dron atakavaŭ rejsavy aŭtobus u Sumskaj vobłaści. Jość achviary3

U Biełarusi sioleta niama čarnic. Kali letaś narychtoŭščyki pryniali dziasiatki ton jahad, to sioleta — ničoha4

Fłarencyju nazvali najlepšym horadam Jeŭropy dla turyzmu2

bolš čytanych navin
bolš łajkanych navin

Što stała pryčynaj śmierci troch rabotnikaŭ «Biełarusnafty» padčas ramontu na trasie

Što stała pryčynaj śmierci troch rabotnikaŭ «Biełarusnafty» padčas ramontu na trasie

Hałoŭnaje
Usie naviny →

Zaŭvaha:

 

 

 

 

Zakryć Paviedamić