Прэзідэнт ЗША Джо Байдэн даслаў ліст армянскаму прэм'ер-міністру Ніколу Пашыняну, у якім запэўніў у далейшай падтрымцы яго краіны з боку Злучаных Штатаў. Ліст ад Байдэна Пашыняну перадала кіраўніца Агенцтва ЗША па міжнародным развіцці (USAID) Саманта Паўэр.
«Я папрасіў Саманту Паўэр, ключавога члена майго кабінета, асабіста перадаць вам рашучую падтрымку Злучаных Штатаў і маёй адміністрацыі імкненню Арменіі да дасягнення годнага і трывалага рэгіянальнага міру, які будзе абараняць ваш суверэнітэт, незалежнасць, тэрытарыяльную цэласнасць і дэмакратыю», — гаворыцца ў лісце амерыканскага прэзідэнта.
Байдэн падкрэсліў, што ЗША будуць працягваць падтрымліваць Арменію ва ўмацаванні дэмакратыі ўнутры краіны і ў імкненні да стабільнасці ў рэгіёне.
Перад гэтым 19 верасня Азербайджан пачаў «антытэрарыстычную» аперацыю супраць Нагорнага Карабаха, які сусветная супольнасць лічыць часткай Азербайджана. Гэтая аперацыя ўжо праз дзень скончылася фактычнай капітуляцыяй Нагорнага Карабаха, і цяпер вырашаецца, як гэты рэгіён будзе жыць далей.
Кіраўнік апарату Пашыняна абвінаваціў расійскія медыя ў гібрыднай вайне супраць Арменіі, а найбольшымі прапагандыстамі там назваў армян
Мафіёзныя схемы і прывязанасць да Расіі. Як Нагорны Карабах стаў шэрай зонай армянскай палітыкі і што будзе цяпер
Што такое Нагорны Карабах і што армяне з азербайджанцамі там дзеляць
Цяпер чытаюць
Крутога айцішніка, які вярнуўся з Польшчы, кінулі за краты за фінансаванне «экстрэмізму»19
Каментары