Ці даставаць цёплыя рэчы? Якога надворʼя чакаць на наступным тыдні
Верасень сёлета падоўжыў лета. Аднак у Беларусь паступова пачне прарывацца восень, і кастрычнік пачнецца з пахаладання. Тэмпература панізіцца, але ўсё роўна застанецца вышэй за кліматычную норму.
У пачатку тыдня ў Беларусі чакаецца пераменная воблачнасць, месцамі магчымы невялікія кароткія дажджы. Вецер заходні, паўднёва-заходні, умераны, перадае АНТ.
Тэмпература ноччу — ад +6°C да +12°C, днём у панядзелак паветра прагрэецца ад +15°C да +19°C, у аўторак +19°C… +25°C.
У сярэдзіне тыдня за сітуацыю ў атмасферы над Беларуссю пачне адказваць непагодлівы атмасферны фронт з паўночнага захаду Еўропы. Уначы па паўночным захадзе, днём на большай частцы тэрыторыі — дажджы рознай інтэнсіўнасці.
Ноччу ў сераду +7°C… +12°C, днём — ад +15°C да +19°C.
У пачатку другой паловы тыдня надворʼе чакаецца няўстойлівым. У чацвер захаваецца вялікая верагоднасць кароткачасовых дажджоў, у пятніцу аблокаў стане менш і ў большасці рэгіёнаў дажджы малаверагодныя. Пад раніцу — слабыя туманы, бачнасць да кіламетру. Ноччу +5°C… +10°C. Днём у чацвер +12°C… +17°C, у пятніцу да +15°C.
І, папярэдне, наступныя выходныя пройдуць без істотных ападкаў. Магчымыя туманы. Ноччу +3°C… +7°C. Днём у суботу +15°C… +19°C, у нядзелю +17°C… +21°C.
У цэлым, кастрычнік абяцае быць крыху цяплейшым за звычайны — на 1-1,5°C вышэй за кліматычную норму, якая складае ад +5°C на паўночным усходзе да +8°C на паўднёвым захадзе. Але гэта будзе ўжо па-сапраўднаму восеньскі месяц.
Літва зноў закрывае мяжу з Беларуссю — на нявызначаны тэрмін9
Літва зноў закрывае мяжу з Беларуссю — на нявызначаны тэрмін
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары