64-гадовая беларуска падняла БЧБ-сцяг над адной з найвышэйшых гор свету
У 64 гады беларуска ўзышла на вышыню 8167 метраў, стаўшы найстарэйшай жанчынай у свеце, якая здзейсніла такое ўзыходжанне.
Лілія Яноўская 30 верасня скарыла сваю сёмую гару, вышэйшую за 8000 метраў. На гімалайскай вершыні Дхаўлагіры яны традыцыйна ўзняла бел-чырвона-белы сцяг.
«Цяжка паверыць, што мы скарылі гэтую дзіўную гару. Дхаўлагіры — сёмая па вышыні гара ў свеце. Пакуль гэта была адна з маіх найлепшых экспедыцый», — напісала альпіністка ў фэйсбуку.
Летась жанчына разам з дачкой узняла нацыянальны сцяг на найвышэйшай кропцы свету — піку Эверэст.
Лілія Яноўская з Мінска. Разам з сямʼёй напрыканцы 1990-х пераехала ў Канаду. Цяпер жыве ў Таронта. З адукацыі яна матэматык і эканаміст. Больш за 20 гадоў працавала «ў прыватным бізнэсе па паркетнай вытворчасці». Тры гады таму жанчына вырашыла змяніць сваё жыццё і прысвяціць асноўны час таму, што горача любіць, — альпінізму і скалалажанню.
Усяго ў свеце 14 гор, вышэйшых за 8000 метраў.
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»2
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары