Свет55

У Абхазіі хочуць далучыцца да Саюза Расіі і Беларусі

Абхазія можа ўвайсці ў Саюзную дзяржаву Расіі і Беларусі, гэта цалкам адпавядае карэнным інтарэсам народа рэспублікі, заявіў кіраўнік МЗС самаабвешчанай рэспублікі Інал Ардзінба на Першым канале, піша «Інтэрфакс».

Аляксандр Лукашэнка з сынам Мікалаем у Абхазіі. Скрын відэа

Па словах Ардзінбы, прадстаўнікі Абхазіі актыўна вывучаюць досвед пабудовы Саюзнай дзяржавы і ўзаемадзеяння Расіі і Беларусі ў розных сферах.

«Мы за выкананне прынцыпу суверэннай роўнасці дзяржаў, калі ў міждзяржаўных абʼяднаннях паважаюць краіны, паважаюць іх самабытнасць, іх культурны код. Таму мы хочам быць разам з Расійскай Федэрацыяй і Рэспублікай Беларусь», — адзначыў кіраўнік МЗС.

Закранаючы магчымае прызнанне Мінскам незалежнасці Абхазіі, Ардзінба сказаў, што фундамент для гэтага ўжо ствараецца.

«Мы ствараем падмурак для таго, каб гэтае рашэнне было прынята, прызнанне само па сабе ўзнікнуць не можа, прызнанне трэба падрыхтаваць. Трэба сфармуляваць прынцыпы нашай сумеснай працы і трэба пачаць рэалізацыю гандлёва-эканамічных і культурна-гуманітарных праектаў, чым мы зараз і займаемся сумесна з нашымі беларускімі калегамі», — падкрэсліў міністр.

Паводле яго слоў, «пастаўкі абхазскіх тавараў у Беларусь ужо ажыццяўляюцца, і зараз бакі рэалізуюць розныя праекты супрацоўніцтва». Цяпер абмяркоўваецца і будаўніцтва беларускім бокам буйнога санаторна-курортнага комплексу ў Ачамчырскім раёне Абхазіі, дадаў Ардзінба.

Ён паведаміў, што ў хуткім часе чакаецца візіт у Беларусь вялікай урадавай дэлегацыі Абхазіі, якая мае намер абмеркаваць з беларускім бокам пытанні супрацоўніцтва ў розных галінах.

У лютым 2023 года сакратар Савета Бяспекі Абхазіі Сяргей Шамба назваў укідам інфармацыю СМІ аб магчымым уваходжанні рэспублікі ў склад Расіі.

«У нас ёсць Канстытуцыя, якая проста не дазваляе абмяркоўваць увогуле гэтую тэму. Гэта наогул крымінальная адказнасць за пастаноўку такіх пытанняў. Таму гэта нерэальна», — заявіў ён, але дадаў, што на ўзроўні экспертаў могуць абмяркоўвацца пытанні новага еўразійскага саюза.

У верасні мінулага года Аляксандра Лукашэнкі наведаў самаабвешчаную рэспубліку Абхазія. У лютым гэтага года кіраўнік непрызнанай Абхазіі Аслан Бжанія прыехаў да Лукашэнкі ў Мінск.

Каментары5

  • Антон
    10.10.2023
    Неверу што гэта адбудзецца. Гэты фарпост Лу ня сдась. Ён лічыць сябе роўняй Пу толькі маладзейшы і марыць перажыць каллегу а тут апусціцца на ўзровень Абхазіі....
  • Красавец на выданьи
    10.10.2023
    Антон , у рыгорыча и спрашивать не станут.
    Если будет надо, то и замест рыгорыча всё сделают по высшему разряду, там же все красауцы и красавы, как на подбор, - тертель, кубраков, качанова, что царь руссского хамаса скажет, то скотный двор и выполнит!
  • LITWIN
    11.10.2023
    I HAMAS RZADAJE...

Цяпер чытаюць

Спявачку Мэрыем Герасіменка на працягу двух гадоў збіваў муж43

Спявачку Мэрыем Герасіменка на працягу двух гадоў збіваў муж

Усе навіны →
Усе навіны

«Кава стане раскошай». Беларусы шакаваныя цэнамі ў крамах16

«Апантанасці геапалітыкай, як у Расіі, у нас сёння няма». Гісторык паразважаў, ці перажывуць беларусы «русский мир»16

Рубіа патлумачыў заяву Трампа пра зброю для Украіны за кошт НАТА

«Горад працоўнай славы 1941—1945». У Баранавічах адкрылі манумент з дзіўнай назвай9

У Беларусі і Расіі распрацуюць штучны інтэлект з традыцыйнымі каштоўнасцямі4

Асудзілі за «садзеянне экстрэмізму» былога дырэктара школы

Вучоныя знайшлі агромністае радовішча золата, якое змяшчае 99,999% усяго золата планеты8

У Польшчы адбылося ДТЗ з аўтобусам, поўным беларусаў3

Макрон заявіў пра гатоўнасць адправіць ва Украіну 50 тысяч вайскоўцаў6

больш чытаных навін
больш лайканых навін

Спявачку Мэрыем Герасіменка на працягу двух гадоў збіваў муж43

Спявачку Мэрыем Герасіменка на працягу двух гадоў збіваў муж

Галоўнае
Усе навіны →

Заўвага:

 

 

 

 

Закрыць Паведаміць