Пашынян: Арменія гатовая быць бліжэйшай да ЕС, наколькі Еўрасаюз лічыць гэта магчымым
Таксама прэм'ер-міністр Арменіі заявіў, што саюзнікі не толькі не дапамаглі ў сітуацыі з Нагорным Карабахам, але і заклікалі да звяржэння ўлады.
Прэм'ер-міністр Арменіі Нікол Пашынян падчас свайго выступу на пленарным пасяджэнні Еўрапарламента заявіў, што Арменія гатовая супрацоўнічаць з Еўрасаюзам і стаць бліжэйшай да гэтага аб'яднання, піша news.am.
«Арменія гатовая быць бліжэйшай да ЕС, наколькі Еўрасаюз лічыць гэта магчымым», — сказаў ён. Па словах Пашыняна, пашырэнне партнёрства — адзін са слупоў рэфарматарскай праграмы ўмацавання дэмакратыі ў Арменіі, якія падтрымлівае ЕС.
«Чакаем працягу супрацоўніцтва ў напрамках рэформаў паліцыі, выратавальных службаў, незалежнай судовай сістэмы, адукацыі і дзяржаўнага кіравання», — адзначыў ён. Сярод іншых мэтаў праграмы — развіццё ў сферы эканомікі і тэхналогій, а таксама ўмацаванне бяспекі на Паўднёвым Каўказе.
Таксама Пашынян заявіў, што саюзнікі не толькі не дапамаглі ў сітуацыі з Нагорным Карабахам, але і заклікалі да звяржэння ўлады.
«У той час, калі сотні тысяч армян беглі з Нагорнага Карабаха ў Арменію, нашы саюзнікі ў сферы бяспекі не толькі не дапамаглі нам, але і публічна заклікалі да змены ўлады ў Арменіі, да звяржэння дэмакратычнай улады», — заявіў,
«Але народ Арменіі аб'яднаўся дзеля сваёй незалежнасці, суверэнітэту, дэмакратыі, і чарговая змова супраць нашай дзяржавы правалілася. Нашы міжнародныя партнёры прызнаюцца, што не бачылі выпадку, каб за тыдзень у краіну прыбыло 100 тысяч бежанцаў і гэтая краіна магла б прыняць іх усіх, не ствараючы лагераў для бежанцаў. Мы змаглі зрабіць гэта дзякуючы армянскаму народу і дэмакратыі», — дадаў ён.
«Нам неабходна выдзеліць каля 100 мільёнаў даляраў на падтрымку вымушаных перасяленцаў з Нагорнага Карабаха. Нам патрэбна міжнародная дапамога, у тым ліку ў выглядзе бюджэтнай падтрымкі», — падкрэсліў кіраўнік урада Арменіі.
Цяпер чытаюць
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка6
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове33
Каментары