У Польшчы раскрылі міжнародную групоўку, якая праз беларускую мяжу магла пераправіць у Еўропу 2600 чалавек
Польскія памежнікі выкрылі міжнародную арганізаваную злачынную групоўку, якая займалася нелегальнай перапраўкай мігрантаў праз польска-беларускую мяжу ў краіны Заходняй Еўропы. Зараз пад следствам знаходзяцца 32 падазраваныя з шасці краін, але беларусаў сярод іх няма.
Паводле польскіх памежнікаў, злачынная група магла нелегальна пераправіць праз беларускую мяжу 2600 чалавек. Мігрантамі часцей за ўсё былі грамадзяне Ірака, Сірыі і Палесціны, якія спачатку накіроўваліся ў Беларусь, а пасля нелегальнага перасячэння мяжы з Польшчай іх везлі ў глыб краіны аж да мяжы з Германіяй.
Паводле следства, у арганізаваную міжнародную злачынную групу ўваходзяць як грамадзяне Польшчы, так і грамадзяне Украіны, Ірака і Беларусі.
Але пад следствам, па якім праходзіць 32 падазраваныя, беларусаў няма. Паводле справаздачы памежнікаў, гэта грамадзяне Польшчы, Украіны, Сірыі, Ірака, Турцыі і Грузіі.
Разбіральніцтва, у якім удзельнічалі службы з Польшчы, Літвы і Германіі, праводзіцца ў супрацоўніцтве з Еўраюстам і Еўраполам.
Злачынствы, якія інкрымінуюцца падазраваным, караюцца пазбаўленнем волі на тэрмін да 8 гадоў.
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары