U Polščy raskryli mižnarodnuju hrupoŭku, jakaja praź biełaruskuju miažu mahła pierapravić u Jeŭropu 2600 čałaviek
Polskija pamiežniki vykryli mižnarodnuju arhanizavanuju złačynnuju hrupoŭku, jakaja zajmałasia nielehalnaj pierapraŭkaj mihrantaŭ praz polska-biełaruskuju miažu ŭ krainy Zachodniaj Jeŭropy. Zaraz pad śledstvam znachodziacca 32 padazravanyja z šaści krain, ale biełarusaŭ siarod ich niama.
Pavodle polskich pamiežnikaŭ, złačynnaja hrupa mahła nielehalna pierapravić praź biełaruskuju miažu 2600 čałaviek. Mihrantami čaściej za ŭsio byli hramadzianie Iraka, Siryi i Paleściny, jakija spačatku nakiroŭvalisia ŭ Biełaruś, a paśla nielehalnaha pierasiačeńnia miažy z Polščaj ich vieźli ŭ hłyb krainy až da miažy z Hiermanijaj.
Pavodle śledstva, u arhanizavanuju mižnarodnuju złačynnuju hrupu ŭvachodziać jak hramadzianie Polščy, tak i hramadzianie Ukrainy, Iraka i Biełarusi.
Ale pad śledstvam, pa jakim prachodzić 32 padazravanyja, biełarusaŭ niama. Pavodle spravazdačy pamiežnikaŭ, heta hramadzianie Polščy, Ukrainy, Siryi, Iraka, Turcyi i Hruzii.
Raźbiralnictva, u jakim udzielničali słužby z Polščy, Litvy i Hiermanii, pravodzicca ŭ supracoŭnictvie ź Jeŭrajustam i Jeŭrapołam.
Złačynstvy, jakija inkryminujucca padazravanym, karajucca pazbaŭleńniem voli na termin da 8 hadoŭ.
Ciapier čytajuć
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI9
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary