Дзеці дзеля жарту падпалілі ў пад'ездзе анучы. У 11-гадовай дзяўчынкі — 70% апёкаў цела
Здарэнне адбылося ўчора ў Бялынічах.
Трое школьнікаў 12, 13 і 14-ці гадоў гулялі па горадзе. Змёрзшы, зайшлі ў пад'езд інтэрната пагрэцца, паведамляе тэлеграм-канал «Обратная сторона».
У аднаго з іх была запальнічка. Не прыдумаўшы нічога лепшага, той падпаліў анучы на адной з дзіцячых калясак. Ледзь занялося полымя, дзеці збеглі.
Літаральна за пару хвілін сінтэтычныя каляскі ўспыхнулі як свечкі. Адзін з жыхароў з першага паверха спрабаваў патушыць пажар і атрымаў моцныя апёкі рук.
Ад агню вельмі пацярпела 11-гадовая дзяўчынка. З апёкамі 70% цела малая дастаўлена ў бальніцу.
Дзяцей хутка вылічылі па відэакамерах.
Цяпер чытаюць
Пракурор просіць для экс-памочніка Лукашэнкі Ігара Брыло 12 гадоў зняволення4
Каментары