Грамадства88

«Колькі я змагалася са сваімі страхамі, каб у выніку быць тут». Што вядома пра дзяўчыну, якая паляцела ў Дубай з урадавай дэлегацыяй

Студэнтка юрыдычнага факультэта БДУ Паліна Жогла стала самай нечаканай удзельніцай беларускай дэлегацыі на кліматычным саміце ў Дубаі. Распавядаем, што вядома пра дзяўчыну.

Паліна Жогла. Фота: БДУ

Дзяўчына вучылася ў слуцкай школе №6. Выглядае, што Паліна была паспяховай вучаніцай. У 2016 годзе яна прымала ўдзел у раённай алімпіядзе па геаграфіі і атрымала дыплом трэцяй ступені. У 2017 годзе Паліна з такім самым вынікам выступала на алімпіядзе па англійскай мове. Таксама трэцяе месца ёй прынёс удзел у другім этапе рэспубліканскай алімпіяды па рускай мове і літаратуры.

Калі Паліна вучылася ў 9 класе, то разам з яшчэ адной дзяўчынкай пісала навуковую працу па беларускай мове і літаратуры, якую яны прадстаўлялі на раённай канферэнцыі. Тут таксама быў дыплом трэцяй ступені.

Фота: інстаграм Паліны Жоглы

Пасля школы Паліна скончыла юрыдычны каледж БДУ. У той час, калі яна была абітурыенткай юрфака БДУ, яна пабачыла ва «Укантакце» пост пра студэнтку, якая з'яўляецца паслом МУР (расшыфроўваецца як «мэты ўстойлівага развіцця»), і падумала, што таксама бачыць сябе ў гэтай сферы.

У адным з інтэрв'ю дзяўчына адказвала на пытанні, чаму яна пачала цікавіцца менавіта экалогіяй, а не прававой сферай. Паліна пажартавала, што даўно трэба было прыдумаць нейкую прыгожую гісторыю, але яе няма.

«Усё пачалося з простай зацікаўленасці: чаму на некаторых таварах ёсць адзнака «эка». Пачала з'яўляцца мода на шоперы — дзесьці ў 2019 годзе, а можа і раней, але заўважаць я пачала толькі тады, — і пасля першай хвалі каранавіруса сусветная супольнасць яшчэ больш пачала распавядаць пра экалагічныя праблемы. Так мая зацікаўленасць нарастала, я пачала сама шукаць розныя артыкулы ў інтэрнэце, асабліва на тэму пластыка, усё больш унікаць у тэму экалагічных альтэрнатыў аднаразовым рэчам, zero waste, sustainable living, fast fashion, праходзіць курсы, стала ўдзельнікам Зялёнага ўніверсітэта БДУ. А наогул пачаткам майго экалагічнага шляху я лічу пакупку шматразовай шкляначкі!»

Зараз Паліна з’яўляецца студэнткай трэцяга курса юрыдычнага факультэта БДУ, і ў яе ўжо ёсць пэўныя дасягненні. У 2021 годзе дзяўчыну абралі дублёрам пасла МУР 12, і яна пачала ўдзельнічаць у розных мерапрыемствах, сустракалася з міністрамі, прадстаўнікамі ААН і ЮНІСЕФ.

Фота: інстаграм Паліны Жоглы

Дарэчы, з лютага 2023 года Паліна актыўна супрацоўнічае з ЮНІСЕФ. Спачатку яна правяла лекцыю пра эка-дружалюбны лад жыцця для валанцёраў, потым выступала ў розных дзіцячых летніках.

Найбольш запамінальнай падзеяй лета Паліна называе «Славянскі базар». Дзяўчына жартуе, што спачатку села не на той цягнік, бо ехала без мамы. У Віцебску Паліна правяла лекцыю, падчас якой паказвала, якімі шматразовымі рэчамі можна замяніць аднаразовыя. Мясцовыя бабулі былі такія ўражаныя, што пажадалі ёй сустрэць добрага жаніха. А пасля дзяўчына арганізавала для дзяцей майстар-клас па маляванні на вадзе.

Фота: інстаграм Паліны Жоглы

Вось што пісала Паліна перад паездкай у Дубай: «Для кагосьці я проста паеду ў Дубай. Не! Я еду на КАНФЕРЭНЦЫЮ, якая будзе праходзіць у Дубаі. Колькі ўсяго было зроблена, колькі я змагалася са сваімі страхамі, каб у выніку быць там. Я заўсёды лічыла, што не змагу гаварыць на вялікую аўдыторыю, не змагу данесці тую важную думку пра тое, што трэба берагчы Планету, бо я няўпэўненая ў сабе дзяўчынка, няхай так і будзе.

Але, убачыўшы аднойчы на сваім першым выступе зацікаўленыя вочы людзей, я зразумела, што сапраўды магу зрабіць унёсак у захаванне нашага агульнага дома. Хай пасля маёй лекцыі я зацікаўлю 2-3 чалавек, але яны сапраўды пачнуць дзейнічаць на карысць сабе і навакольнаму асяроддзю, за імі падцягнуцца сябры, родныя… і вось ужо ў экалогіі зацікаўлены 5-10 чалавек! Значыць усё было не дарма! Я магу!»

Фота: інстаграм Паліны Жоглы

Бацька дзяўчыны загінуў у ДТЗ у 2018-м. Андрэй Жогла быў дырэктарам Слуцкага камбіната хлебапрадуктаў (сваяцтва пацвердзілі «Кіберпартызаны»). Маці Паліны працуе дырэктаркай у тэрытарыяльным цэнтры сацабслугоўвання насельніцтва ў Слуцку.

Раней дзяўчына распавядала, што ёй падабаюцца скандынаўскія фільмы і культура (у першую чаргу за тое, як скандынавы ставяцца да навакольнага асяроддзя). Яна лічыць сябе крыху вегетарыянкай і крыху веганкай.

Любіць здымаць тыктокі і некаторыя з іх запісвае на беларускай мове.

Чытайце таксама:

У складзе дэлегацыі на саміт у ААЭ лётала сяброўка Колі Лукашэнкі? — Motolkohelp

Каментары8

  • Максим Дизайнер
    08.12.2023
    Так она умница и хорошая девушка, оказывается. А СМИшные змагарские трындунки обосрались по полной, оказывается. Оказывается в провинции живут умные и хорошие люди, а в Минске через одного - бешеные собаки.
  • Гішпанскі сорам
    08.12.2023
    Нічога новага - чарговая шэрасць, шоперы, рэсайклінг, зараз нават ў дзіцячым садку пра гэта ведаюць і ведалі далека да яе, Амерыку адкрыла, для сябе. “Кар’ера” сяброўкі выйшла найбольш паспяховай за ўсе астатнія.
  • Flock
    09.12.2023
    Чаму заусёд 75 адсоткау каментау такія таксіяныя… да добрая дзяуяына, стараееца рабіць штось пазітыўнае
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Польшча прызнала Аляксандра Машэнскага непажаданай асобай27

Польшча прызнала Аляксандра Машэнскага непажаданай асобай

Усе навіны →
Усе навіны

Маштабны збой у трох беларускіх банках: з рахункаў знікаюць грошы9

Пад Мінскам машына збіла лася — загінулі два чалавекі, пацярпеў вядомы комік2

У Расіі хлопец на «Лексусе» эфектна вылятаў на набярэжную дзеля прыгожага відэа. Загінуў сам і дзве сяброўкі15

«Вітаем на радзіме». Беларус распавёў пра затрыманне на мяжы за лайк і сапсаваны адпачынак10

У Італіі знайшлі цела 18-гадовай украінскай студэнткі. У дзень смерці ёй адмовілі ў працягу стажыроўкі

Начальнік сувязі 8-й арміі загінуў у выніку ўдару ўкраінскімі ракетамі

Толькі адзін выпускнік здаваў цэнтралізаваны экзамен па гэтым прадмеце3

Наталля Пяткевіч працягвае выгульваць амерыканскі гардэроб16

Кінолаг расказала пра просты тэст на выхаванасць сабакі1

больш чытаных навін
больш лайканых навін

Польшча прызнала Аляксандра Машэнскага непажаданай асобай27

Польшча прызнала Аляксандра Машэнскага непажаданай асобай

Галоўнае
Усе навіны →

Заўвага:

 

 

 

 

Закрыць Паведаміць