Пісьменнік патрапіў у спіс пад сваім сапраўдным імем — Грыгорый Чхарцішвілі.
Расійскага пісьменніка і выдаўца Барыса Акуніна ўнеслі ў пералік «тэрарыстаў і экстрэмістаў» Расфінманіторынгу.
На мінулым тыдні продажы ягоных кніг прыпынілі праз яго выказванні супраць Расіі. Следам за выдавецтвам АСТ такое рашэнне прыняла аб'яднаная сетка «Чытай-горад — Букваед».
Барыс Акунін (нар. у 1956 г. у Грузіі) паслядоўна выступае супраць вайны ва Украіне і крытыкуе Пуціна, з 2014 года ён жыве ў Лондане.
Барыс Акунін — вялікі знаўца японскай літаратуры, але найбольш вядомы серыямі раманаў пра сышчыка Эраста Фандорына і манашку Пелагею, а таксама кніг па «Гісторыі Расійскай дзяржавы». Ён таксама быў рэдактарам серыі дэтэктываў «Лекі ад суму».
У сакавіку 2022 года Барыс Акунін з Міхаілам Барышнікавым і Сяргеем Гурыевым запусціў дабрачынны праект «Сапраўдная Расія» (True Russia), накіраваны на збор сродкаў на карысць украінскіх бежанцаў. 24 мая 2022 года сайт «Сапраўднай Расіі» быў заблакаваны па рашэнні Расійскай Генпракуратуры.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3737
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі37
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4545
Каментары