Нядаўна прызначаны міністр культуры і нацыянальнай спадчыны Польшчы Барталамей Сянкевіч паведаміў пра пачатак працэдуры ліквідацыі дзяржаўных СМІ праз адсутнасць іх фінансавання.
«У сувязі з рашэннем прэзідэнта Польскай Рэспублікі аб прыпыненні фінансавання дзяржаўных сродкаў масавай інфармацыі я прыняў рашэнне аб ліквідацыі кампаній Telewizja Polska, Polskie Radio і Polska Agencja Prasowa», — гаворыцца ў паведамленні, апублікаваным на сайце польскага ўрада.
Па словах кіраўніка ведамства, рашэнне дасць магчымасць забяспечыць далейшае функцыянаванне гэтых кампаній, правесці ў іх неабходную рэструктурызацыю і прадухіліць звальненне супрацоўнікаў у сувязі з адсутнасцю фінансавання.
«Статус ліквідацыі можа быць адкліканы ўладальнікам у любы час», — адзначаецца ў прэс-рэлізе.
Пра магчымасць ліквідацыі TVP і іншых польскіх грамадскіх СМІ, звязаных з дзяржавай, сталі гаварыць пасля перамогі апазіцыйнай кааліцыі на сёлетніх выбарах 15 кастрычніка.
Цяпер чытаюць
Жалезная заслона ў дзеянні: як зменшылася колькасць перасячэнняў мяжы Беларусі і Еўрасаюза за апошнія гады7
Каментары
Спадзяюся, і белсатаўскую кодлу, з яе "серыялам" і бясконцай гаварыльняй, нарэшце адсунуць ад карыта.
І яшчэ пытанне, чаму канал Белсат, створаны для беларусаў, перайшоў на расейскую мову, а пад расейскую мову не проста набраў расейскамоўных вядучых, а канкрэтна - расейцаў, якія вяшчаюць пра Расею, і нават зрабілі асобны расейскі канал Вот Так.
Гэта як зразумець? Што грошы, выдзеленыя на вяшчанне для беларусаў фактычна ідуць расейцам?