Магілёўца, які прыехаў з Нямеччыны праведаць бацькоў, не выпусцілі на волю пасля адбыцця 15 сутак
Мужчына ў 2020 годзе затрымліваўся міліцыяй падчас пратэстаў. Аднак палітычным актывістам не быў.
У Магілёве напярэдадні Новага года пасля 15 сутак арышту на волю не выйшаў Уладзіслаў Петрачкоў. 28 снежня ён быў паўторна асуджаны па артыкуле 19.11 КаАП (распаўсюд інфармацыйнай прадукцыі, якая змяшчае заклікі да экстрэмісцкай дзейнасці).
Вядома, што мужчына ў лістападзе вярнуўся на радзіму з Германіі, дзе працуе ўжо некалькі гадоў, каб наведаць бацькоў.
Прыкладна праз месяц да яго наведаліся работнікі міліцыі і склалі пратакол за каментары ў сетцы інтэрнэт, піша Mayday.team.
2 снежня Уладзіслаў Петрачкоў быў асуджаны на 15 сутак па артыкуле 19.11 КаАП і адпраўлены адбываць пакаранне ў магілёўскі ІЧУ. Пакуль ён знаходзіўся пад арыштам, міліцыя склала на яго новы пратакол за чарговую порцыю каментароў.
Мужчына ў 2020 годзе затрымліваўся міліцыяй падчас пратэстаў. Аднак палітычным актывістам ён не быў.
Ціханоўская: Дзеці не пераехалі ў ЗША, а проста часова будуць з татам дзеля бяспекі39
Каментары
Нават, нехта калі панству кажа: ніхто табою тут не цікавіцца, ды каму ты патрэбны ня трэба верыць.