«Дэманстравала карціну з БЧБ-сцягам». Стала вядома, за што арыштавалі мастачку Ганну Крук
Паводле пратакола, Ганна «дэманстравала карціну з БЧБ-сцягам, што стала даступна неабмежаванаму колу асобаў», даведалася «Вясна».
Ганну затрымалі ўвечары 29 лістапада 2023 года ў кавярні «Маркс» у Мінску. Праз два дні над мастачкай адбыўся суд паводле арт. 24.23 КаАП (несанкцыянаванае пікетаванне).
Сваю віну Крук не прызнала і патлумачыла суду, што сапраўды размясціла ў кавярні сваю карціну, але на ёй няма выявы бел-чырвона-белага сцяга. У выніку суд пастанавіў арыштаваць дзяўчыну на 13 сутак.
Цяпер Ганна ўтрымліваецца пад вартай у межах крымінальнай справы.
Каментары