Свет3636

Першая перадвыбарная прамова Байдэна: Трамп — фундаментальная пагроза дэмакратыі

«Ці працягне дэмакратыя быць святой місіяй Амерыкі, — гэта самае актуальнае пытанне нашага часу, у ім уся сутнасць выбараў 2024 года», — падкрэсліў цяперашні прэзідэнт у сваёй эмацыйнай прамове.

Дональд Трамп. Sue Ogrocki / AP

У сваёй першай перадвыбарнай прамове 2024 года прэзідэнт ЗША Джо Байдэн папярэдзіў выбаршчыкаў аб небяспеках, якія пагражаюць краіне ў выпадку вяртання да ўлады свайго верагоднага апанента Дональда Трампа. Байдэн назваў Трампа «фундаментальнай пагрозай амерыканскай дэмакратыі» і нагадаў пра напад на Капітолій, паведамляе Бі-бі-сі.

«Ці працягне дэмакратыя быць святой місіяй Амерыкі, — гэта самае актуальнае пытанне нашага часу (…), у ім уся сутнасць выбараў 2024 года», — падкрэсліў цяперашні прэзідэнт у сваёй эмацыйнай прамове.

Трамп у сваю чаргу рэзка адрэагаваў на яе падчас выступу перад сваімі прыхільнікамі ў штаце Аёва. Ён назваў яе «жаласнай страшылкай» і сказаў, што Байдэн сам — пагроза дэмакратыі.

«Паслужны спіс Байдэна — гэта бесперапынная чарада [праяў] слабасці, некампетэнтнасці, карупцыі і правалаў», — заявіў Трамп.

Трамп — самы імаверны кандыдат на пасаду прэзідэнта ЗША ад Рэспубліканскай партыі — часта паўтарае ілжывае сцвярджэнне аб тым, што выбары 2020 года былі ў яго скрадзеныя.

Былы прэзідэнт нават спрабаваў прадставіць напад 6 студзеня як «выдатны дзень» у сваіх публічных выступах. Ён называў удзельнікаў штурму «патрыётамі» і палітычнымі вязнямі і абяцаў памілаваць іх, калі вернецца ў Белы дом.

Узяўшы пад прыцэл гэтую рыторыку Трампа, Байдэн у сваёй прамове абвінаваціў яго ў спробе «скрасці гісторыю», пры гэтым каля 40 разоў назваўшы свайго суперніка па імені.

«Натоўп Трампа сабраўся не для мірнага пратэсту, а для гвалтоўнага штурму, — сказаў Байдэн. — Яны былі мяцежнікамі, а не патрыётамі. Яны там сабраліся не для таго, каб абараніць Канстытуцыю, а каб знішчыць Канстытуцыю».

«Тых, хто яму супрацьстаіць, ён называе паразітамі. Ён кажа аб атручванні крыві амерыканцаў, паўтараючы тыя ж самыя выразы, якія выкарыстоўваліся ў нацысцкай Германіі», — працягнуў цяперашні прэзідэнт.

Перадвыбарчы штаб Трампа пакуль не адрэагаваў на просьбу аб каментарах.

Джэйсан Мілер, старшы дарадца перадвыбарчага штаба Трампа, напісаў у сябе ў X (былым «твітэры«), што Байдэн «вырашыў не будаваць сваю кампанію на канкрэтных праблемах у 2024 годзе».

«Замест таго, каб дапамагаць тым, хто пакутуе ад «Байдэномікі» або з-за нашай дзіравай паўднёвай мяжы, Байдэн плануе зрабіць урад сваёй зброяй супраць свайго галоўнага палітычнага апанента», — пракаментаваў Мілер.

Байдэн у сваіх выступах зноў і зноў вяртаецца да тэмы захавання дэмакратыі ў ЗША.

У 2020 годзе ў сваёй прэзідэнцкай кампаніі ён пазіцыянаваў сябе як кандыдат, здольны вярнуць Амерыку да нармальнага жыцця. Перад выбарамі ў Палату прадстаўнікоў 2022 года Байдэн назваў іх «бітвай за душу нацыі».

Цяперашняе перадвыбарчае выступленне Байдэна адбылося недалёка ад Нацыянальнага гістарычнага парку Вэлі-Фордж у Пенсільваніі.

Гэтае месца было абрана спецыяльна, каб падкрэсліць высокія стаўкі ў прэзідэнцкай гонцы. Вэлі-Фордж вядомы тым, што там падчас амерыканскай вайны за незалежнасць армія Джорджа Вашынгтона перажыла цяжкую зіму 1777-78 гадоў.

Каментары36

  • Буду галасаваць за рэспубліканцаў
    06.01.2024
    А я думаў пуцін
  • Джек Блэк
    06.01.2024
    Это спорно.А вот то,что Байден и те,кто приволок его на пост президента-фундаментальная угроза Америке-это бесспорно.
  • бабруйчанін
    06.01.2024
    Калі толькі з'явіуся гєты персанаж " эпізода адзін дома" казау з ім будзе ні сумна .Але калі гєта абралась прєзідзентам Штатау то ні смешна.Зьява Трампа абранне у Аргенціне у 19 годзе в Украіне гєта як " паустанне масс 94" у рБ.Нажаль ні 200 год дЗемакраціі ні 30 не уплывае на " выбар масс" і ніякія " сдержкі пратівагі" ..Агульнае выбарчае права і німа нічога лепшага
    PS Парадокс " масавага сазнання " тыя кто у 94 абірал " новы твар" у рБ пляскаюць Трампу
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

На вайне ва Украіне загінуў былы дырэктар двух аршанскіх заводаў4

На вайне ва Украіне загінуў былы дырэктар двух аршанскіх заводаў

Усе навіны →
Усе навіны

Сяргей Ціханоўскі прыедзе на фэст «Тутака» на Падляшшы10

Bild публікуе «сакрэтны спіс» зброі, якую Украіна просіць у Германіі6

У 2026 годзе беларусы будуць адпачываць меней, чым у гэтым годзе

Ціханоўская — Трампу: Лукашэнку трэба пакараць, а не заахвочваць40

Пажар у Пухавіцкім раёне, дзе загінулі ўнучка і бабуля, быў выкліканы падпалам1

Беларус знайшоў рэдкую манету. За яе даюць ужо 18 тысяч рублёў, але таргі працягваюцца6

22-гадовы каліновец Ціхан «Франц» Клюкач атрымаў кантузію3

25 гадоў таму быў выкрадзены тэлеаператар Дзмітрый Завадскі1

У Віцебску асвоілі будаўніцтва тэхнічнага флота: зрабілі ўласны цеплаход4

больш чытаных навін
больш лайканых навін

На вайне ва Украіне загінуў былы дырэктар двух аршанскіх заводаў4

На вайне ва Украіне загінуў былы дырэктар двух аршанскіх заводаў

Галоўнае
Усе навіны →

Заўвага:

 

 

 

 

Закрыць Паведаміць