Узброеныя сілы КНДР ужо «знялі засцерагальнік», любая памылка з боку паўднёвакарэйскіх вайскоўцаў можа паставіць пад пагрозу Сеул. Пра гэта заявіла сястра лідара КНДР Кім Ё Чжон, піша Цэнтральнае тэлеграфнае агенцтва Карэі.
«Патлумачу яшчэ раз: наша армія ўжо зняла засцерагальнік са спускавога кручка. У выпадку нязначнай правакацыі нашы войскі неадкладна пройдуць [баявое] хрышчэнне агнём», — сказала Кім Ё Чжон.
Яна таксама сцвярджае, што 6 студзеня КНДР не выпусціла ніводнага снарада ў бок Жоўтага мора, вайскоўцы Рэспублікі Карэя былі ўведзены ў зман з дапамогай узрыўчаткі, якая імітавала гул артылерыйскіх гармат. Камітэт начальнікаў штабоў УС Рэспублікі Карэя напярэдадні заявіў, што КНДР выпусціла 60 снарадаў і што яны ўпалі ў акваторыі на поўнач ад Паўночнай размежавальнай лініі, якую ў Сеуле лічаць фактычнай марской мяжой.
«Мне вельмі шкада насельніцтва Рэспублікі Карэя, якое вымушана даверыць «бяспеку» гэтым прафанам і аддаваць ім вялізныя грошы з падаткаў», — сказала Кім Ё Чжон.
Яна выступіла з пагрозаю, што Сеул, дзе пражывае больш за 10 млн чалавек, падвергнецца небяспецы, калі ў выніку «памылак і здагадак невуцкіх галаварэзаў», як заявіла яна, здарыцца інцыдэнт.
Кім Ё Чжон у прапагандысцкім стылі паўтарыла, што «памылкі, няправільныя ацэнкі і ўпартасць» «выклічуць непапраўныя няшчасці».
Мацкевіч: Не пара аспрэчваць лідарства Ціханоўскай. Яна вельмі добрая ў якасці лідаркі6
Мацкевіч: Не пара аспрэчваць лідарства Ціханоўскай. Яна вельмі добрая ў якасці лідаркі
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары