Доктар пра выпадак з атручэннем у мінскай школе: Гэта вірус, і школа тут ні пры чым
Цяпер на лячэнні ў гарадской дзіцячай інфекцыйнай клінічнай бальніцы Мінска — сем падлеткаў з сярэдняй школы № 165, якая знаходзіцца на Паўднёвым Захадзе.
Яны паступілі туды з прыкметамі кішачнай інфекцыі, паведаміў загадчык інфекцыйнага аддзялення № 3 (для кішачных інфекцый) гэтай медустановы Вадзім Лагоцька.
«Наймаладзейшаму з гэтых пацыентаў 10 гадоў, найстарэйшаму — 14, — цытуюць доктара Мінск-Навіны. — У траіх падлеткаў ужо пацвердзілася вірусная інфекцыя (у дваіх — ротавірусы, у аднаго — наравірусы)».
Са слоў спецыяліста, школьнікі пачалі паступаць у клініку з вечара 9 студзеня. Усяго па медыцынскую дапамогу звярнуліся восем падлеткаў, з іх семярых шпіталізавалі, аднаго бацькі забралі дадому.
Лагацька адзначыў, што школьнікі звярнуліся ў бальніцу з павышанай тэмпературай, ванітамі, дыярэяй. Вынікі лабараторных даследаванняў паказалі, што гэта вірусная кішачная інфекцыя, а не бактэрыяльная.
Праз ежу дзеці не маглі заразіцца і школа тут ні пры чым, запэўніў ён.
Доктар дадаў, што дыягнаставаная ў школьнікаў вірусная кішачная інфекцыя перадаецца бытавым шляхам — ад чалавека да чалавека, а не праз ежу і не праз ваду.
Кажучы пра стан здароўя пацыентаў, доктар заўважыў, што ён стабільны, сярэдняй ступені цяжкасці. Тэмпература ў дзяцей — 37,2-37,3°С, яны ядуць, п'юць. На наступным тыдні іх павінны выпісаць.
Каментары